Канадада полицей-әйелдерге хиджаб киюге рұқсат етілді

Канадада полицияда қызмет ететін мұсылман әйелдерге хиджаб киіп жүруге рұқсат етілді. rt.com ақпарт агенттігінің хабарлауынша, мұндай шешімді ел үкіметі қабылдаған. «Полицейлердің униформасына мұндай өзгерісті Канаданың патшалық жандармериясының комиссары енгізді», – деді қоғамдық қауіпсіздік министрлігінің өкілі Скотт Бардсли. Оның пікірінше, бұл өзгеріс мұсылман қыздардың құқық қорғау органдарында жұмыс істеуге деген құлшынысын арттырады. Айта кетейік, мұндай шешімді қабылдамас бұрын полиция басшылығы хиджаб киімінің үш үлгісін сынақтан өткізіп, оңай шешілетін әрі әйел адамның қозғалуына ыңғайлысына тоқталған. Аян ӘБДУӘЛИ Фото: ria.ru