Жамбыл сербше жырлайды

 Л.Н. Гумилев атындағы Еуразия ұлттық университетінің ректоры, ҰҒА академигі Ерлан Сыдықовтың серб тіліндегі тұңғыш «Жамбыл. Ұлы Дала жыршысы» атты кітабы  таныстырылды.  Қазақстан Республикасы­ның Венгриядағы Елшілігінің қол­­дауымен өткізілген шара­ға Сербия Мәдениет және ақпа­рат министрлігінің, Сер­бия Жазу­шылар одағының басшы­лы­ғы мен мүше­лері, Белград зия­лы қауы­мы, сондай-ақ, дипло­ма­тия­лық корпус өкілдері қатысты. Кітапты серб тіліне аударған – Белград университетінің профессоры, танымал тәржімашы Ольга Маркович. Кітаптың алғысөзін Елба­сы Нұрсұлтан Әбішұлы Назарбаев­тың өзі жазған. Бұл – фашизмге қарсы соғыстағы Жеңістің 70 жылдығына және көрнекті ақын Жамбыл Жабаевтың туғаны­на 170 жыл толуына арналған бірегей еңбек. Кітаптың ерекше құндылығы – даңқты ақын туралы кең мәліметтің серб оқырманына алғаш жетуінде және Ұлы Дала тұлғасын танытуда. Бұл еңбекте мұрасы әлем мен Қазақ елінің рухани алтын қорына қосылған біртуар ақын­ның өмір жолы жаңаша байыптаулармен жазылған. Басылым 3 бөлімнен тұрады. Шара барысында серб та­рапы­ның өкілдері мұндай акция­лар қазақ халқының мәдениеті мен өнерін, әдет-ғұрпы мен салт-дәстүрін жете әрі терең түсінуге, кең танысуға мүмкіндік беретінін айтты. Жалпы, мұндай шара­лар Қазақстан мен Сербия арасын­дағы ынтымақтастықтың мәдени бағытын нығайтуға септігін тигізетіндігі ерекше аталып өтті.