Кемел қоғам кепілі

Тәуелсіздіктің 25 жылдығы қарсаңында келіп отырған биылғы Конс­титуция күнінің орны бөлек. Осыған орай Орталық коммуни­ка­ция­лар қызметінде Конс­титуциялық Кеңес Төр­ағасы Игорь Рогов бас­па­сөз мәслихатын өткізді. Ол БАҚ өкілдерінің алдында Конс­титуция – мемлекет заңды­лығы­ның құқықтық іргетасы және еліміздің қарқынды дамуы мен тұрақтылықтың негізі екен­дігін айтты. «Қазақстан мем­­ле­ке­­ттілік­тің барлық атрибуттары­мен егемен және тең құқылы ел ретін­де қалыптасты. Халықтың ғасыр­лар бойғы арманы орындалды. Қазақ­стан әлемдегі бәсекеге қабілетті 50 елдің қатарына кірді. Енді алдымызда «Қазақстан-2050» Стра­­тегиясына сай дамыған 30 ел­дің қатарына қосылу мақсаты тұр. Осы мақсат-міндеттерге жету жо­лында біздің Конституция жан-жақты жетілдірілген», деді Игорь Рогов. Сонымен қатар ол Негізгі Заң­ның нығайтушы рөліне ерекше назар аударды. Конституцияда республика қызметінің негізін қалаушы қағидаларға еліміздегі патриотизм жататынын мәлімдеді. «Конституциялық патриотизм Қазақстан Президенті Нұрсұлтан Назарбаевтың «Мәңгілік Ел» жалпыұлттық идеясының бір бөлігі болып табылады. Есте­рі­ңізде болса, Қазақстан халқы Ассам­блеясының кезекті сессиясында «Мәңгілік Елдің» жеті берік бөлігі негізінде Патриоттық акт қабылданды. Оларға Тәуелсіздік және Астана, жалпыұлттық бірлік, бейбітшілік пен келісім, зайырлы мемлекет және жоғары руханият, Жалпыға Ортақ Еңбек Қоғамы, тарих, мәдениет және тіл тұтастығы жатады», дей келе, Кеңес Төрағасы Негізгі Заңды құрметтеу конституционализм идея­лары мен қағидаларына шынайы берілгендікті талап етеді және оларды жаппай ма­құлдау қазақ­стандықтардың мемлекет алдындағы бас­ты міндеті екенін атап өтті. Талғат РАЙЫМБЕК, «Егемен Қазақстан»