Палуанға ескерткіш қойылды

Қазақ халқының тұңғыш кәсіпқой палуаны  Қажымұқан Мұңайтпасов есімі қазақ спортында алтын әріптермен жазылған десек болады. Бүгінде Қажымұқан Мұңайтпасов атындағы мектеп-интернатта батыр тұлғаға  арнап бюст қойылды. Мүсін жанынан Даңқ аллеясы ашылды. Аллеяда Ермахан Ибрайымов, Дәулет Тұрлыханов, Елдос Сметов, Ольга Шишигина, Шәміл Серіков сынды спорт саңлақтарының суреттері қойылған. «Білім күні қарсаңында әлемге қазақ елін паш еткен Қажымұқан Мұңайтпасовтың мүсіні ашылып, халық балуанын еске алып жатыр. Өздеріңізге белгілі бұл мекемеден көптеген әлем чемпиондары, Азия ойындарының жеңімпаздары, бір сөзбен айтқанда, Олимпиада жүлдегерлері түлеп ұшқан», – дейді спорт және денешынықтыру комитетінің төрағасы Елсияр Қанағатов. Жауырыны жерге тимеген қазақ батырының ерлігін әлем мойындаған. ХХ ғасырдың басында түркі халықтарының ішінде 28 мемлекеттің арасында балуандар бәсекесіне түсіп, 56 медаль еншілген Қажымұқанның ерлігі ел есінде. Айман МҰҚЫШЕВА