Тұрғын үй шаруашылығын басқарушыларды оқытады

«Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ тұрғын үй-коммуналдық шаруашылығы саласында қызмет етіп жүрген қызметкерлер мен жұмысшылардың білімі мен білігін көтеруді қолға алмақ. Мұндағы мақсат тұрғын үй қорын, тұрғын үй-комму­налдық шаруашылығын жаң­ғырту, тұрғын үйлерге күр­делі жөндеу жүргізу, тұрғын үй саласындағы энергия үнемдеудің тиімділігін арттыру болып отыр. Аталған орта­лықтың Насихат және білім тарату департаментінің бас менеджері Гаухар Тайжанова биыл аталған курстарға 1975 адам тартылатынын айтады. «Ұлттық экономика ми­нистрлігінің Құрылыс және тұрғын үй-коммуналдық шаруа­шылығы істері комитеті жанындағы «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ 2013 жылдан бері Тұрғын үй шаруашылығы саласындағы мамандар біліктілігін арттыру бағдарламасы аясында үш күндік, бес күндік және он күн­дік курстарды өткізіп келеді. Біліктілік арттыру курс­тарында тұрғын үйлердегі энергия үнемдеу технология­ларын қолдану, тұрғын үй шаруашылығындағы энергоменеджмент, энергоау­дит туралы айтамыз. Бұл курстарға осы салада еңбек етіп жүрген кадрлар түгел тар­тылады. Олардың арасында мемлекеттік қызметкерлер де, ПИК өкілдері де бар. Ал «Тұрғын үй-коммуналдық шаруа­шылығын басқарудың тиімді әдістерін қолдану, инновация мен энергия үнемдеу технологиясын енгізу негізінде дамыту» деп аталатын аймақтық конференциямызға жоғарғы оқу орындары мен ғылыми-зерттеу институттарының ғалымдары, салалық қауым­дастықтар мен бірлестік өкіл­дері де шақырылады», – дейді Г.Тайжанова.