Бітімгершілер біліктілігін байқатты

«Мызғымас бауырластық-2016» оқу-жаттығуы аяқталды «Обуз-Лесновский» 230-шы жалпыәскери полигонында ҰҚШҰ Ұжымдық бітімгершілік күштерінің (ҰБК) «Мызғымас бауырластық-2016» оқу-жаттығуы аяқталды. Оған Қазақстан Республикасы Қарулы Күштерінің бітімгерші әскери қызметшілері қатысты. Аталған оқу-жаттығуда ҰҚШҰ-ның Ұжымдық бітім­гер­ші­лік күштері алғаш рет БҰҰ Қауіп­сіздік Кеңесінің мандатын алды. Оқу-жаттығудың белсенді фаза­сында бітімгершілік контин­гент­тердің іс-қимылдарын Қазақ­стан Республикасы Қорғаныс министрі­нің бірінші орынбасары – Қазақ­стан Қарулы Күштері Бас штабының бастығы, генерал-пол­ков­ник Сәкен Жасұзақов, ҰҚШҰ-ның Бас хатшысы Нико­лай Бордюжа, ҰҚШҰ Біріккен шта­бының бастығы, генерал-полковник Анатолий Сидоров, Армения мен Белоруссия қарулы күштері бас штабтарының бастықтары, Беларусь Республикасында аккредиттелген әскери-дипломатиялық корпусының, Қызыл Крест халықаралық комитетінің өкілдері және өзге де шақырылған меймандар қадағалады. Бітімгершілік операцияда олардың тапсырмалар орындауы бойынша белсенді іс-қи­мылдар жүргізу кезінде ұлттық бітімгершілік контингенттердің жауынгерлік үйлесімділігіне ерекше назар аударылды. Оқу-жаттығу шеңберінде БӨП-те қызмет өткеру, көлік құралдарын тексеру тәртібі, жаяу патрульдеу, алғашқы кө­мек көрсету және босқындармен (алмас­тырылған тұл­ғалармен) жұмыс жасау жө­нінде практикалық сабақтар өткізілді. Әскери қызметшілер лектерді алып жүру, минасыздандыру, мобильді БӨП құрамында қызмет атқару, маңызды нысанды күзету, елді мекенді қоршау және тексеру, ғимаратқа шабуыл жасау, мобильді резерв құра­мын­дағы (тікұшақтардағы) іс-қимыл­дар, ізгілік көмек көрсетуді қолдау ке­зіндегі іс-қимылдарды пысықтады. Қазақстандық бітімгершілер Армения, Белоруссия және Ре­сей қа­ру­лы күштерінің кон­тин­генттерімен бірлесіп жауапкершілік учаскелеріне шығу және орналасу бойынша бірқатар тапсырмаларды пысықтады. Осы учаскелерде барлау, күзету, тексеру және оқшаулау іс-шараларын орындады. Практикалық іс-қимылдар барысында бірнеше тактикалық эпизодтар пысықталды. Атап айтқанда, көліктік авиацияның күшімен белгіленген ауданға контингенттердің материалдық құралдарын жеткізу, техниканың лектерін құру, қозғалыс бағдарында қолдан жасал­ған жарылғыш құрылғыларды күзету, анық­тауды ұйымдастыру, тікұшақтан минасыздандыру тобы құрамында түсіріп жіберу және заңсыз қарулы құралымды жою, маңызды нысанды күзету жөнінде тапсырмаларды орындау пысықталды. Оқу-жаттығуға ҰҚШҰ-ға мүше­ барлық алты мемлекетінің қарулы күштері, ішкі әскерлері мен полициясы құрамынан 1500 әскери қызметші, сондай-ақ, 300 бірлік авиациялық, броньды танкті және автомобильді техника тартылды. «Егемен-ақпарат»