Сәулелі сәт

Қолдарына ұстаған алуан түрлі гүл­дер­індей өз­дері де қуаныш құшағына еніп, жүздері балбұл жан­ған оқу­шы­лар кеше сың­ғырлаған алғашқы қоңы­рау үніне ұйып, алтын ұя мектептерінің табал­ды­ры­ғын аттады. Сондай бір ерек­ше сәт елордадағы №73 физика-техни­калық ли­цейінде де болған еді. Екі жылдан бері жұмыс іс­теп келе жатқан білім ұясы талантты балаларға нәрлі білім берумен қатар, тәлімді тәрбие үйретуді де жоғары дәрежеде атқарып келе жат­қанына куә болдық. Ол, мек­тептің қол жеткен жетістігінен, алға қойған мін­дет-мақсаттарынан ай­қын көрініп тұрды. Мектеп директоры Құ­ра­лай Бай­тә­жікова жаз бойы демалыста болып, ал­тын ұясына табан тіреген оқушылармен, олардың ата-аналарын құттықтай ке­ліп, бұл сәулелі сәт әр оқу­шының, әсіресе, бірінші сы­нып бүлдіршіндерінің есін­де қалатынын атап өтті. – Биылғы  жаңа оқу жы­лын да өткен жыл­да­ғыдай табыспен аяқтау ние­тіндеміз. Үстіміздегі жылы Ұлттық бірыңғай тестке қа­тысқан түлектеріміз жоғары көрсеткішке қол жеткізіп, елор­дадағы алдыңғы лек­тегі 10 мектептің қа­тарынан табылды. Сонымен қатар, Рес­пуб­ликалық пән олимпиа­дасына алғаш рет қа­тыс­қан оқушыларымыз мате­ма­тика, физика, химия пән­дерінен жүлдегер атанды. Ғылыми жобалар жарысын­да да бәйгенің алдында келді. Осы үрдіс жаңа оқу жылында да жал­ғасын табатынына сенім­діміз. Біздің мектеп­ке қабыл­данатын әр талап­кер сы­нақ­тан өтеді. Білі­міне сенген дарынды ұл мен қыз­ға әр­қашан есігіміз ашық, – деді Құралай Аман­гел­діқызы. Физика-техникалық ли­­цейде оқитын оқушы­лардың ұзын саны 1361 екен. Бірінші сыныпқа келген 252 бүлдіршін қазақ үй­дің шаңырағын бақанмен биікке көтеріп тұрып, Білім күніне арналған тақ­пақ­тарын жатқа айтып, дөң­гелене би билеп, қаумалаған жұртты риза етті. Сүлеймен МӘМЕТ, «Егемен Қазақстан»