Парагвай президентіне қастандық жасалу қаупі бар

Парагвайдың қауіпсіздік қызметтері ел президенті Орасио Картеске қастандық жасалу қаупіне байланысты күшейтілген жұмыс тәртібіне көшті. Бұл туралы есірткімен күрес жөніндегі ұлттық департамент басшысы Уго Вера мәлімдеді. «Бізде қауіптіліктің «қызыл» деңгейі белгіленді. Бразилияның жалдамалы кісі өлтірушілері елімізде жүр, олар президентке қастандық жасауды көздейді», – деп келтірді оның сөзін «780 АМ» радиосының сайты. Өз кезегінде Парагвайдың ішкі істер министрі Франсиско де Варгас дайындалып жатқан қастандықтың бразилиялық наркобарон Жарвис Шименес Паванның қатаң режимжегі түрмеге ауыстырылуына байланысты болуы мүмкін екенін алға тартты. Ведомство басшысының айтуынша, мемлекет басшысының туыстары, сондай-ақ оның кабинетінің мүшелері шабуыл нысанына айналуы мүмкін. Айдар ӨРІСБАЕВ