Көшпелілер ойындары: Қырчын шатқалы қызу дайындықта (фото)

Қырғызстанның Ыстықкөл облысы жеріндегі Қырчын шатқалы Көшпелілердің екінші бүкіләлемдік ойындарына қызу дайындалу үстінде. Мұнда қырғыздардың көшпелі өмір салтын таныстыруға арналып, елдің түкпір-түкпірінен жинап алынған 280-нен артық аппақ киіз үйлер тігіліп, қонақтарды күтіп алуға әзірленіп жатыр. Үйлердің орналасулары мен стильдерінде де ерекшеліктер бар. Мысалы, «Хан-Ордо» киіз үйінің қақпалары ағаштан жасалып, үш деңгеймен тігілген, ал кірер аузында балбал-тас тұр. Бұл жерде сондай-ақ «Кыргыз алаамы», яғни «Қырғыз әлемі» деп аталатын негізгі шара өткізіледі. Қырчындағы шаралардың негізгі бөлігі 4 қыркүйек күні өтеді. Дамир ҚОЖАМҚҰЛ