Коста-Рика көрмеге қатысады

Жақында Астанада «Астана ЭКСПО-2017» халықаралық мамандандырылған көрмесінің комиссары Рәпіл Жошыбаев Коста-Рика Сыртқы істер министрі Мануэль Гонсалес Санс бастаған осы ел делегациясымен кездесті. Кездесу барысында, тараптар екіжақты ынтымақтастық мәселелерімен қатар, Коста-Риканың ЭКСПО-2017-ге қа­тысуы мәселелерін талқы­лады. Коста-Рика сыртқы саясат ведомство­сының басшысы өз елі Үкіметінің Аста­надағы ха­лық­­аралық көрмеге қатысуға шешім қабылдағанын хабарлады. Ал көрме комиссары Р.Жо­­шыбаев ЭКСПО-2017 бала­малы энергети­ка са­ла­сын­дағы ынты­­мақ­­тас­­тықты дамыту үшін жақ­сы тұғыр­нама қалайты­нын атап өтті. Осылайша, «Астана ЭКСПО-2017» халықаралық маман­дан­дырылған көрме комиссары хат­шылығының ақпаратына сүйен­сек, Коста-Рика ЭКСПО-2017 көрме­­сіне қатысатынын ресми түрде қуат­таған 98-ші ел болып отыр. Бұдан бөлек, бүгін­гі күнге дейін көр­меге өздерінің қатыса­тын­дық­тарын 17 халықаралық ұйым қуаттаған. «Егемен-ақпарат»