Атырауға Рио Олимпиадасының чемпионы, зілтемірші Ниджат Рахимов келді. Жазғы Олимпия ойындарының алғашқы алтынын ел қоржынына салған ақжолтай спортшыны атыраулықтар әуежайдан күтіп алып, «Жайық» спорт кешеніне жеткенше үлкен қошемет көрсетті.
«Жайық» спорт кешенінде әлем рекордын жаңартып, Олимпиада чемпионы атанған Ниджат Рахимовке, оның әкесі мен шешесіне де құрмет көрсетілді. Атырау облысының әкімі Нұрлан Ноғаев қазақтың дәстүрімен Ниджаттың әкесіне – шапан, ал анасы камзол кигізді. Ал Ниджат Рахимовке Астана қаласынан үш бөлмелі пәтер сыйға тартылды.
Сонымен бірге, Рио Олимпиадасының қатысушысы, таэквондошы Жансель Денизге 2 миллион теңгенің сертификаты тапсырылды.
Жолдасбек ШӨПЕҒҰЛ
