Облыстық штаб іске кірісті

«Нұр Отан» ХДП облыстық филиалы төрағасының бірінші орынбасары Әлібек Қартов БАҚ өкілдерімен өткізген брифингте Қазақстан Республикасы президенттігіне кандидат Н. Назарбаев­ты қолдау жөніндегі қоғамдық штаб­тың құрылып, іске кіріскенін мәлім етті. Штаб төрағасының ай­туынша, алда зор міндеттер тұр. Қазіргі басты мақсат – күшті «Нұр Отан» ХДП атынан ұсы­ныл­ған үміткерді қолдаушы­лар­дың дауысын жинауға жұмыл­ды­ру. Содан кейін президенттікке кандидаттың сайлауалды бағдар­ла­масын жұртшылық арасында на­сихаттау ісіне белсене атсалы­са­тын болады. Жергілікті партия ұйымдары 755 сайлау учаскелері бойынша сенім білдірілген адам­дардың тізімін ұсынуды аяқтады. Әлібек Намимұлы сегіз бөлімнің құрылып, атқарылатын үгіттік-на­сихаттық, ұйымдық шаралардың жан-жақты ескерілгенін жеткізді. Штаб құрамына үкіметтік емес ұйымдар, ардагерлер, жастар, этномәдени бірлестіктер өкіл­дері енген. Қай-қайсысын бол­сын облыс жұртшылығы жақ­сы біледі. Солардың бірі Петропавл қалалық ардагерлер кеңе­сі­нің төрағасы, штаб жетекшісінің орынбасары Григорий Кухарь референдум өткізуге байланысты бастаманы солтүстікқазақстандық сайлаушылардың 56 пайызы қол­да­ғанын, кезектен тыс сайлауда да жерлестеріміздің өз әділ таң­дауларын жасайтынын жеткізді. Штаб мүшелері журна­лис­тер­дің сауалдарына жауап берді. Өмір ЕСҚАЛИ. Солтүстік Қазақстан облысы.