Қазақстан Республикасы Президентінің Жарлығы

А.Ұ.Маминді Қазақстан Республикасы Премьер-Министрінің бірінші орынбасары қызметіне тағайындау туралы Асқар Ұзақбайұлы Мамин Қазақстан Республикасы Премьер-Министрінің бірінші орынбасары болып тағайындалсын. Қазақстан Республикасының Президенті Н.НАЗАРБАЕВ Астана, Ақорда, 2016 жылғы 9 қыркүйек.  № 320 Асқар Ұзақбайұлы МАМИН 1965 жылы туған, Целиноград инженерлік-құрылыс институтын, Г.В.Плеханов атындағы Ресей экономика академиясын бітірген, мамандығы бойынша – инженер-құрылысшы, экономист. Еңбек жолын «Целинтяжстрой» тресінің құрастырушысы болып бастады. Целиноград облыстық ішкі істер органдарында қызмет атқарды. Кәсіпкерлікпен шұғылданды. Астана қаласы әкімінің бірінші орынбасары – Ақмола арнайы экономикалық аймағы әкімшілік кеңесі төрағасының орынбасары, Көлік және коммуникация вице-министрі, Индустрия және сауда бірінші вице-министрі лауазымдарында қызмет атқарды. Көлік және коммуникация министрі, Астана қаласының әкімі қызметтеріне тағайындалды. 2008 жылғы сәуірден – «Қазақстан темір жолы» Ұлттық компаниясы» АҚ президенті.