Жұмыссыздықты жою

Әлемдік қаржы дағдарысы жағ­дайында босаңсуды көтермейтін бір мәселе – ол жұмыссыздықпен күрес, өңір тұрғындарын еңбек­пен қамтамасыз ету екені түсінікті. Осыны ескерген облыс әкімдігі осы бір әлеуметтік шетін мәселені ұдайы бақылауда ұстап келеді. Елбасы тапсыр­масына орай, осы мақсатқа көзделген бюджет қаржысы игеріліп, мем­ле­­кет­тік бағдарламаларды кеңі­нен пай­да­лануға баса назар ауда­­рылу­да. Кешенді жоспарға сәй­кес, үсті­міздегі жылы еңбекпен қам­тылуы тиіс 19 262 адамның қазір­дің өзінде 18 мыңға жуы­ғы жұмысқа орналастырылған. Өңір­лерді дамыту бағдарламасы аясында 1132 ақтөбелік 152 жобаны жүзеге асыруға жұмылдырылып, 5201 адам жаңа жұмысқа орналастырылған. «Жұмыспен қамтудың жол картасы -2020» бағдарламасының аясында өңірге 7,2 млрд теңге бөлі­ніп, 4­,2 млрд теңге игерілген. 1000-нан  астам ауыл тұрғындары кәсіп­кер­лікті дамытуға арналған 3 млрд теңге несиені пайдаланды. Жергілікті бюд­жет есебінен 1300-адам әлеумет­тік жұмыс орын­дары­на жіберіліп, 1349-ы жастар тәжі­рибесіне, 6627  уақытша қоғамдық жұмыстарға, 34-і қайта даярлауға тартылды. Биыл 30-дан астам бос жұмыс орындары жәрмеңкесі өткізіліп, нәти­жесінде 838 адам тұрақты жұ­мыс­қа орналасты, 898 адам қоғам­дық жұмыстарға тартылды, 191 адам жас­тар тәжірибесімен, 2015-і әлеу­мет­тік жұмыс орындарымен қамтылды. Сатыбалды СӘУІРБАЙ, «Егемен Қазақстан»   Ақтөбе облысы