Тобыл-Торғай әуендері әуеледі

Алматыдағы Ө.Жолдасбеков атындағы Студенттер сарайында Композиторлар одағының мүшесі, әнші-композитор Қалибек Деріпсалдиннің «Тобыл-Торғай әуендері» авторлық кеші өтті. Тәуелсіздіктің 25 жылдығы құр­метіне арналған кеш қала әкім­дігінің қолдауымен өткізілді. Ком­позитордың «Қостанай туралы ән», «Қайдасың, аңсағаным?», «Сен мені түсінесің бе?», «Аяулы жан аға», «Тобыл таңы», «Жиһан шапағат», «Әке арманы», «Қима­дан ба едің, қалқатай?», «Сағы­ныш сазы», «Айлы түнде», т.б. ән­­­дері шырқалды. Сонымен қа­­тар, халық композиторлары Әбіл­ахат Еспаев, Бақытжан Бай­қа­дамовтың лирикалық ән­дері­мен қатар Б.Сәуекенов, Б.Хам­зин, Б.Мұқашев, Қ.Мақанов, Т.Сей­дахметовтың шығармалары орын­далды. Белгілі әншілер До­сым­­жан Таңатаров, Есет Сәд­уа­қа­сов, Сүлеймен Иб­рагимов, Ға­зи­за Жұмекенова, Гүл­мира Сарина, Жа­нат­бек Қа­діров, Нұрболат Ар­за­ма­сұлы және т.б. өнер көрсетті. Өнер иесін қоғам қайрат­кері Аманжол Сейітжанов  құттық­т­ап, иығына шапан жапты. Қазақ­стан­ның еңбек сіңірген қай­рат­кері Ермұрат Үсенов өзі­нің жүрекжарды лебізін білді­ріп, «Қазақ газеттері» ЖШС бас ди­рек­торы, қаламгер Жұ­ма­­бек Кенжалин, Ләйла Мол­­да­ғалиқызы ізгі тілектерін ар­н­а­ды. Қалибек Деріпсалдин өз сөзінде концертінің өтуіне қол­дау көрсеткен тұлғаларға ал­ғыс айтты. Композитордың шығар­ма­шы­лық кешіне өнердегі достары мен әріптестері арнайы келіп құттықтады. Сазгердің авторлық туын­дылары М.Бесбаев, С.Майғазиев, Е.Сәдуақасов, Д.Таңатаров сынды белгілі әншілер мен «Нұр-Мұқасан» дуэтінің репертуарына енген. Ол қазақтың көрнекті ақын­дары Ғафу Қайыр­беков, Тұ­ман­бай Молдағалиев, Мәриям Хакім­жанова, Кәкім­бек Салықов өлеңдеріне бірнеше ән жазған. Қазіргі таңда Серік Тұрғынбекұлы, Серікбай Ос­панов, Ақылбек Шаях­метұлы, Нағашыбай Мұқатов және т.б. ақын­дармен шығар­машылық байланыста. Қаршыға КҮЛЕН