Қазақстан ТМД шеңберінде Беларусьтің негізгі сауда серіктестерінің үштігіне кіреді. Статистикалық мәліметтер бойынша, Қазақстан мен Беларусь арасындағы тауар айналымы 2015 жылы 519,7 млн долларды құраған, бұл көрсеткіш 2014 жылмен салыстырғанда 37,8%-ға төмен. Сондай-ақ, Қазақстаннан Беларуське шығарылатын экспорт мөлшері 22,2%-ға қысқарып, 47,7 млн доллар болған. Беларусьтен елмізге келетін импорт та 39,0%-ға кеміп, 472,0 млн долларды құрапты. Мұндай үдерістің қалыптасуын сарапшылар ең алдымен, қазіргі әлемдік экономикалық дағдарыс жағдайымен байланыстырып отыр.
«Екіжақты тауар айналымның 90%-ы Беларусь тауарлары мен өнімдерін құраса, қалған 10%-ы отандық тауарларға тиесілі. Бүгінгі күнге дейін екі елдің арасындағы тауар айналымы біртіндеп өсіп, шамамен 1 млрд долларға жақындап қалған еді. Алайда, қаржылық дағдарыстың әсерінен бұл көрсеткіш өткен жылы 519 млн долларға дейін төмендеді. Биылғы жылы бұл үдеріс әлі де жалғасып келеді. Мәселен, ағымдағы жылдың алғашқы жартыжылдығында тауар айналымы 145,8 млн долларды құрады. Бұл өткен жылғы дәл осы уақыт аралығындағы көрсеткіштен 46,4%-ға төмен. Әрине, бұл жағдай екі елге ғана байланысты болып тұрған жоқ. Бұл әлемдегі экономикалық жағдайдың әсерінен қалыптасқан үрдіс. Бірақ соған қарамастан, біз экспорт-импорт, тауар айналымы көрсеткіштерін жоғарылатуға күш салатын боламыз». Сыртқы істер министрлігі арнайы ұйымдастырған брифингте Қазақстанның Беларусь Республикасындағы Төтенше және өкілетті елшісі Ерғали Бөлегенов осылай деді.
Төтенше және өкілетті елші сондай-ақ екіжақты әріптестікке, қос мемлекет арасындағы ынтымақтастықтың нығаюына мемлекет басшыларының сенімге құрылған, достыққа негізделген қарым-қатынасы айтарлықтай әсер еткенін жеткізді. Ол ғарыш, ауыл шаруашылығы, өнеркәсіп, білім-ғылым, денсаулық сақтау, коммуникация, транзит, IT-технология, жол-құрылыс, машина жасау салаларында оң әріптестік байланыс орнатылғанына тоқталып өтті. Мәселен, Беларусьтің 5 әскери академиясы мен жоғары оқу орнын 2012 жылдан бері Қазақстаннан барған 300-ге тарта әскери азамат тәмамдапты. Ал бүгінде бұл елде 300-ден астам қазақстандық студент білім алып жатыр екен.
Ләйла ЕДІЛҚЫЗЫ
Қазақстан ТМД шеңберінде Беларусьтің негізгі сауда серіктестерінің үштігіне кіреді. Статистикалық мәліметтер бойынша, Қазақстан мен Беларусь арасындағы тауар айналымы 2015 жылы 519,7 млн долларды құраған, бұл көрсеткіш 2014 жылмен салыстырғанда 37,8%-ға төмен. Сондай-ақ, Қазақстаннан Беларуське шығарылатын экспорт мөлшері 22,2%-ға қысқарып, 47,7 млн доллар болған. Беларусьтен елмізге келетін импорт та 39,0%-ға кеміп, 472,0 млн долларды құрапты. Мұндай үдерістің қалыптасуын сарапшылар ең алдымен, қазіргі әлемдік экономикалық дағдарыс жағдайымен байланыстырып отыр.
«Екіжақты тауар айналымның 90%-ы Беларусь тауарлары мен өнімдерін құраса, қалған 10%-ы отандық тауарларға тиесілі. Бүгінгі күнге дейін екі елдің арасындағы тауар айналымы біртіндеп өсіп, шамамен 1 млрд долларға жақындап қалған еді. Алайда, қаржылық дағдарыстың әсерінен бұл көрсеткіш өткен жылы 519 млн долларға дейін төмендеді. Биылғы жылы бұл үдеріс әлі де жалғасып келеді. Мәселен, ағымдағы жылдың алғашқы жартыжылдығында тауар айналымы 145,8 млн долларды құрады. Бұл өткен жылғы дәл осы уақыт аралығындағы көрсеткіштен 46,4%-ға төмен. Әрине, бұл жағдай екі елге ғана байланысты болып тұрған жоқ. Бұл әлемдегі экономикалық жағдайдың әсерінен қалыптасқан үрдіс. Бірақ соған қарамастан, біз экспорт-импорт, тауар айналымы көрсеткіштерін жоғарылатуға күш салатын боламыз». Сыртқы істер министрлігі арнайы ұйымдастырған брифингте Қазақстанның Беларусь Республикасындағы Төтенше және өкілетті елшісі Ерғали Бөлегенов осылай деді.
Төтенше және өкілетті елші сондай-ақ екіжақты әріптестікке, қос мемлекет арасындағы ынтымақтастықтың нығаюына мемлекет басшыларының сенімге құрылған, достыққа негізделген қарым-қатынасы айтарлықтай әсер еткенін жеткізді. Ол ғарыш, ауыл шаруашылығы, өнеркәсіп, білім-ғылым, денсаулық сақтау, коммуникация, транзит, IT-технология, жол-құрылыс, машина жасау салаларында оң әріптестік байланыс орнатылғанына тоқталып өтті. Мәселен, Беларусьтің 5 әскери академиясы мен жоғары оқу орнын 2012 жылдан бері Қазақстаннан барған 300-ге тарта әскери азамат тәмамдапты. Ал бүгінде бұл елде 300-ден астам қазақстандық студент білім алып жатыр екен.
Ләйла ЕДІЛҚЫЗЫ
Соңғы жаңалықтар
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
«Кәсібінің үздігі» конкурсының жеңімпаздары марапатталды
Медицина • Кеше
Елорданың «Байқоңыр» ауданында ауқымды мұз айдыны ашылды
Елорда • Кеше
