Қазақстан-Грекия: Толық түсіністік қалыптасқан елдер

Астанада Қазақстан Сыртқы істер министрінің орынбасары Роман Василенко мен Грекия Сыртқы істер министрінің орынбасары Димитриос Мардастың төрағалығымен Қазақстан-Грекия үкіметаралық комиссиясының 3-ші мәжілісі болып өтті. Бұл комиссия эко­но­микалық және техно­ло­гия­лық ынтымақтастық­тарды қарастырады. Ал мә­жіліс барысында тараптар екіжақты ынтымақтастықты инвестициялар, көлік, туризм, ауыл шаруашылығы және денсаулық сақтау салаларында кеңейту туралы уағ­даласты. Р.Василенко екі ел нарықтарында қалып­тасқан оңтайлы жағдайлар ая­сында Қазақстан мен Гре­кия арасындағы өзара іс-қи­мыл сапалық жаңа деңгейге шығу үшін зор мүмкіндікке ие екенін атап өтті. «Қазақстан Грекия үшін Орталық Азиядағы не­гіз­­гі әріп­тес болып табы­лады. Сон­дай-ақ, Гре­кия Қа­зақ­­стан арқылы Еура­зия­­­лық экономикалық одақ ел­дерімен байланысқа шыға ала­ды. Сонымен бірге, Гре­кия да Қазақстан үшін Бал­қан түбегіндегі негізгі әріп­тес саналады», деп атап көр­сетті Р.Васи­ленко. Өз кезегінде, Д.Мардас Қа­зақ­станмен нарықтық және экономикалық қаты­нас­­тарды дамыту үлкен әлеу­­етке ие екенін атап өтіп, эко­номикалық ынтымақ­тас­тықты нығайту саяси мәсе­лелерді оң шешуге де ықпал ететінін айтты. Қазақстан Сыртқы істер министрі Ерлан Ыдыры­совтың қабылдауында бол­ған Д.Мардас сұхбат­та­сы­мен екіжақты саяси, сауда-экономикалық ын­ты­­мақ­­тастықтың көкей­кесті мәсе­лелерін және халық­­ара­лық проблематика тақы­рыбын талқылады. Кезде­сулер қоры­тын­дысы Қазақ­стан мен Гре­кия арасында екіжақты ынты­мақ­­тас­тықтың барлық мәселелері бойынша толық түсіністік бар екенін қуаттап берді. «Егемен-ақпарат»