Кикбоксшылар 8 медальмен оралды

Маңғыстаулық кикбоксшылар Ресейдің Анапа қаласында кикбоксингтен жастар мен жасөспірімдер арасында өткен Әлем Кубогынан табысты оралды. Ұзын саны 12 атлеттен құралған топ 8 медальды қанжығаларына байлай келді. Ағайынды жаттықтырушылар Есемұрат және Төремұрат Сели­ков­тердің шәкірттері 27 елдің 830 спортшысы қатысқан аламанда еселерін жібере қоймапты. Бір алтын, екі күміс және бес қола медаль еншіленген олар Маңғыстауға көңілді оралды. Алтын медальді иеленген Жұбатқан Сайынов 84 кило­грамға дейінгі салмақта жеңіп алған. – Біз соңғы төрт жыл бойына чемпиондық титулды ұтып алып жүрген Жасұлан Нежи­мов, Нұрболат және Бекжан Жай­лау­баевтар, Ахмет Нәбиев сынды ат­леттерімізді мақ­тан етеміз. Биыл бұл қатарға енді Жұбат­қан Сайынов қосылды. Анападан әкел­ген жүлдемізді еліміздің Тәуел­сіздік мерекесіне арнаймыз, – дейді облыстың кикбоксинг құра­­ма­сының бас жаттықтырушысы Е.Селиков. Гүлайым ШЫНТЕМІРҚЫЗЫ, «Егемен Қазақстан» Маңғыстау облысы