«Астана» футбол командасы биыл қатарынан үшінші рет Қазақстан чемпионы атануға тағы бір табан жақындай түсті. Себебі, демалыс күндері болған премьер-лиганың 29-туры ойындарында елордалықтардың басты қарсыластары – Алматының «Қайраты» өз алаңында Шымкенттің «Ордабасысымен» 1:1 есебімен тең ойнап, ұпай бөлісті. Бұл мүмкіндікті мүлт жібермеген «Астана» Көкшетаудың «Оқжетпесін» 3:0 есебімен жеңіп, алматылықтармен арадағы ұпай айырмашылығын 6-ға дейін ұлғайтты.
Алматыдағы ойын «Қайрат» үшін өте сәтті басталды. 19-минутта Жерар Гоудың көмегімен есеп ашты. Алайда, 35-минутта «Ордабасының» жартылай қорғаушысы Еркебұлан Тұңғышбаев мергендігімен көзге түсті. Ойынның қалған уақытында алаң иелері қанша шабуылдағанымен, есеп өзгеріссіз қалды. Осылайша, «Қайраттың» биылғы маусымда «Ордабасымен» 4 рет кездесіп, бар болғаны екі-ақ ұпай алуға шамасы жетті.
Өз кезегінде «Астана» «Оқжетпесті» оңай жеңді. Матчтың 2-минутында Патрик Твумаси есеп ашып, командасын алға шығарды. Қалған голдар екінші таймда соғылды. Алдымен, 56-минутта Азат Нұрғалиевтің қанжығасы майланса, 89-минутта Твумаси дубльге қол жеткізді. Енді 16 қазан күні болатын 30-тур ойындарында «Астана» Алматыға қонаққа барады. Егер сол кездесуде «Қайрат» барын салмаса, «алтынның» тағдыры біржола шешілетіні сөзсіз.
Бірінші алтылықтың келесі кездесуі Павлодарда «Ертіс» пен «Ақтөбе» арасында өтті. Намысты қолдан бермеген алаң иелері қарсыластарын 5:1 есебімен тізе бүктірді. Осы жеңісінен кейін қоржынындағы ұпайын 47-ге жеткізген «Ертіс» турнир кестесінде үшінші орынға жайғасты.
Сонымен қатар, премьер-лигада қалу үшін тер төгіп жатқан екінші алтылықта да тартыс қыза түсті. Талдықорғанда жергілікті «Жетісу» «Атырауды» 4:3 есебімен жеңсе, Қостанайдың «Тобылы» сырт алаңда Қарағандының «Шахтерінен» 3:2 есебімен басым түсті. Ал көш соңында келе жатқан «Тараз» өз алаңында Оралдың «Ақжайығын» қабылдап, 2:1 есебімен ұтты. Ол бұл жеңістен кейін турнир кестесінде бір саты жоғары көтеріліп, 11-орынға табан тіресе, «Ақжайық» соңғы орынға түсіп қалды.
Еламан ҚОҢЫР
«Астана» футбол командасы биыл қатарынан үшінші рет Қазақстан чемпионы атануға тағы бір табан жақындай түсті. Себебі, демалыс күндері болған премьер-лиганың 29-туры ойындарында елордалықтардың басты қарсыластары – Алматының «Қайраты» өз алаңында Шымкенттің «Ордабасысымен» 1:1 есебімен тең ойнап, ұпай бөлісті. Бұл мүмкіндікті мүлт жібермеген «Астана» Көкшетаудың «Оқжетпесін» 3:0 есебімен жеңіп, алматылықтармен арадағы ұпай айырмашылығын 6-ға дейін ұлғайтты.
Алматыдағы ойын «Қайрат» үшін өте сәтті басталды. 19-минутта Жерар Гоудың көмегімен есеп ашты. Алайда, 35-минутта «Ордабасының» жартылай қорғаушысы Еркебұлан Тұңғышбаев мергендігімен көзге түсті. Ойынның қалған уақытында алаң иелері қанша шабуылдағанымен, есеп өзгеріссіз қалды. Осылайша, «Қайраттың» биылғы маусымда «Ордабасымен» 4 рет кездесіп, бар болғаны екі-ақ ұпай алуға шамасы жетті.
Өз кезегінде «Астана» «Оқжетпесті» оңай жеңді. Матчтың 2-минутында Патрик Твумаси есеп ашып, командасын алға шығарды. Қалған голдар екінші таймда соғылды. Алдымен, 56-минутта Азат Нұрғалиевтің қанжығасы майланса, 89-минутта Твумаси дубльге қол жеткізді. Енді 16 қазан күні болатын 30-тур ойындарында «Астана» Алматыға қонаққа барады. Егер сол кездесуде «Қайрат» барын салмаса, «алтынның» тағдыры біржола шешілетіні сөзсіз.
Бірінші алтылықтың келесі кездесуі Павлодарда «Ертіс» пен «Ақтөбе» арасында өтті. Намысты қолдан бермеген алаң иелері қарсыластарын 5:1 есебімен тізе бүктірді. Осы жеңісінен кейін қоржынындағы ұпайын 47-ге жеткізген «Ертіс» турнир кестесінде үшінші орынға жайғасты.
Сонымен қатар, премьер-лигада қалу үшін тер төгіп жатқан екінші алтылықта да тартыс қыза түсті. Талдықорғанда жергілікті «Жетісу» «Атырауды» 4:3 есебімен жеңсе, Қостанайдың «Тобылы» сырт алаңда Қарағандының «Шахтерінен» 3:2 есебімен басым түсті. Ал көш соңында келе жатқан «Тараз» өз алаңында Оралдың «Ақжайығын» қабылдап, 2:1 есебімен ұтты. Ол бұл жеңістен кейін турнир кестесінде бір саты жоғары көтеріліп, 11-орынға табан тіресе, «Ақжайық» соңғы орынға түсіп қалды.
Еламан ҚОҢЫР
Соңғы жаңалықтар
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
