Біртуар биолог

Биология ғылымдарының қазақтан шыққан тұңғыш докторы, мемлекет қайраткері Кәрім Мыңбаевтың 110 жылдық мерейтойына орай, Нұра ауданының осы ғалым атындағы ауылында ғылыми конференция өтті. Қырық екі жылдық қысқа ғұмырында ел игілігі жолында қыруар іс тындырып үлгерген үлкен тұлғаға арналған жиын «Нұрадан шыққан ақиық» деп орынды аталған. Кәрім Мыңбаев кезінде 5 ғы­­лым докторын, 40 ғылым кан­ди­да­тын дайындаған. Сонымен қатар, не­­гізі­нен өсімдіктер гене­ти­ка­сы мен селек­циясына ар­нал­ған 200-ден астам ғылыми ең­бек­тің авторы. Конференция барысында Нұра ауда­ны әкімінің орынбасары Р.Түсіп­беков, аудандық өлке­тану мұра­жайы­ның директоры Ә.Ес­мағамбетова, Астанадағы мем­­лекеттік тарих институтының ғы­лы­­ми қызметкерлері, педагогика ғылымдарының кандидаттары Д.Сейітқали мен Ж.Қалиев, Кәрім Мыңбаевтың туыс­тары Н.Мың­баев пен Г.Имашева, ауыл­­дық әйелдер кеңесінің төр­айымы Б. Әбілдабекова сөз алып, маз­мұнды баяндамалар жасады. Ал ғалымның көзін көр­ген, тоқ­саннан асқан Аққайша Ра­йым­бекова әжей естелігімен бөлі­сіп, көпшілікке батасын берді. Кәрім Мыңбаевтың 100 жыл­дық мерейтойы тұсында аудан орталығында бюсті орнаты­лып, бір көшеге және осы ауыл­ға аты берілген еді. Ғалым Д.Сейітқали ен­ді жақында К.Мыңбаев туралы жеке кітап жарыққа шық­қа­лы отыр­ғанын жеткізді. Кәрім Мың­­­­баевтың ерте­ректе шетел­дік бас­­­па­сөзде жария­ланған ең­бек­­тері ға­лым­ның ұлы Жафар Мың­баев­тың көмегі­мен табылыпты. Айт­қан­дай, ғалым­ның соңында қал­ған ұрпақ­тары да әке жолын қуған десе болады. Үлкені Гүлнар геолог болса, Жафар – Нью-Йорк уни­вер­­си­тетінің профессоры. Одан ке­йін­гі егіздер: Алла – физик, Тимур – белгілі дирижер, музыкант. К.Мыңбаев атындағы орта мектепте қонақтар ғалымға ар­нал­ған мұражай жәдігерлерімен таны­­сып, немере інісі Нұрхан Мың­­­баев­тың мұрындық болуымен түсі­рілген «Тау тұлға» дерек­ті фильмін тамашалады. Конференция соңы аудан­­дық мәдениет үйінің көркемөнер­паздар ұжымы мен жергілікті өнер­­паздар әзірлеген концерттік бағ­дарламаға ұласты. Соңынан біртуар тұлғаның аруағына құран бағышталып, ас берілді. Қайрат ӘБІЛДИНОВ, «Егемен Қазақстан» Қарағанды облысы,