Өзекті тақырыптар талқыланған қабылдау

Қазақстан Республикасы Парламенті Сенаты Халықаралық қатынастар, қорғаныс және қауіпсіздік комитетінің төрайымы Дариға Назарбаева Француз Республикасы Сыртқы істер және халықаралық даму министрлігі Құрлықтық Еуропа департаментінің директоры Флоранс Манженді қабылдады. Д.Назарбаева Франция Қазақ­станның Еуропалық одақ­тағы саяси және эконо­мика­лық негіз­гі әріптесі болып табылатынын атап өтті. Жүз­десушілер екі ел арасын­дағы өзара іс-қимыл­дың жоғары деңгейіне де назар ау­дарды. Гуманитарлық ынты­мақтастық, атап айтқанда, университеттер арасындағы ғылыми байланыс­тарды те­реңдетудің келешегі тал­­қы­ланды. Қазақстан мен Фран­­циядағы дінтану пәнін оқы­туға қатысты тақырыптар да қоз­ғалды. Сондай-ақ, халықаралық күн тәртібіндегі өзекті мәсе­лелер тал­қыланды. Халық­аралық терроризм мен экстремизмге қарсы іс-қимыл туралы пікір алмасылды, деп хабарлады Қазақстан Рес­публикасы Парламенті Сена­тының баспасөз қызметі.