Қазақстан Дүниежүзілік тау-кен конгресін өткізеді

Рио-де-Жанейрода өтіп жатқан Дүниежүзілік тау-кен конгресі аяқталды. Осымен 24 рет өткізілген ха­­лық­аралық маңызы зор ша­ра­ға Қазақстан тарапы да қаты­сып, Инвестициялар және даму ми­нис­трлігінің жауапты хатшысы Замир Сағынов арнайы баяндама жасады. Дүниежүзілік тау-кен кон­гресі әлемдегі тау қойнауындағы табиғи байлықты игеріп отырған ел­дердің басын қосатын ұйым. Ұйымға мүше елдердің Қазақ­станға деген құрметі мен қызы­ғушылығы жоғары. Еліміз­дегі жер­асты қазба байлықтары мен кен көздерінің молдығы игеру­ші­лердің назарын аударатыны сөз­сіз.Осы конгресс барысында азуын айға білеген алпауыт компаниялармен келіссөздер жасалды. Мәселен, AngloAmerican, VALE, Bahia Mineracao сияқты тау-кен өндірісіндегі көшбасшылар Қазақстан нарығына кіріп, кен көздерін бірігіп игеруге мүдделі. Дүниежүзілік конгресске «Атамекен» ұлттық кәсіпкерлер палатасы, «Kaznex Invest» АҚ, «Казгеология» компаниясы және «Тау-Кен Алтын» серіктестігінің өкілдері қатысып, отандық кен орындарының жай-күйімен таныстырды. – Қазақстан кезекті рет шақы­рылатын Дүниежүзілік тау-кен конгресін Астанада өткі­зу мәр­тебесіне ие болды. Жиын­ның қо­ры­тындысында біз­дің де­лега­цияға Конгрестің ресми эс­та­фетасы – «Майлы шырақ­ты» табыс ету рәсімі жасалды, – деді Инвестициялар және даму минис­трлігінің жауапты хат­шысы Замир Сағынов. Қалмаханбет МҰҚАМЕТҚАЛИ, «Егемен Қазақстан»   АЛМАТЫ