02 Қараша, 2016

Мадридтегі Халықаралық радио ҚР елшісінен сұхбат алды

271 рет
көрсетілді
1 мин
оқу үшін
Мадридтегі Халықаралық радио Испания Корольдігіндегі ҚР Елшісі Бақыт Дүйсенбаевпен сұхбат өткізді.  «Дипломатиялық әлем» бағдарламасындағы сұхбат Қазақстан Республикасы Тәуелсіздігінің 25 жылдығына арналды. ҚР СІМ баспасөз қызметінің хабарлауынша, сұхбат барысында Қазақстан Елшісі испандық радиотыңдармандарға тәуелсіздік жылдарындағы елдің ішкі және сыртқы саяси жетістіктері туралы әңгімеледі. Атап айтқанда, Б.Дүйсенбаев еліміздің бәсекеге қабілетті экономикаға ие болғанын, халықаралық көлемдегі түрлі шараларды өткізгенін және Қазақстанның бейбітшілікті қамтамасыз ету бойынша жаһандық процесстерге қатысқанын баяндады. Сонымен бірге, Елші ҚР Президенті Нұрсұлтан Назарбаевтың Қазақстандағы этникааралық және дінаралық келісімді сақтауға бағытталған сындарлы саясатын ерекше атап өтті және Қазақстан Республикасының 2017-2018 жылдарға БҰҰ Қауіпсіздік Кеңесінің тұрақты емес мүшелігіне сайланғанын айтты. Сұхбат барысында Б.Дүйсенбаев Астанадағы ЭКСПО-2017 дайындық кезеңінің аяқталғанын айтты және корольдік құзырындағы азаматтарға арналған жеңілдетілген виза режимімен испандық туристерді көрмеге келуге шақырды.