Жетістіктеріміз туы желбірей берсін

Қостанай қаласындағы  спорт сарайы Қазақстан президенттігіне «Нұр Отан» ХДП-дан кан­дидат Н.Назарбаевтың жақ­тастарына лық толды. Жабық мұз айдыны орналасқан бұл сарайға әдетте  үш мың адам сыяды. Ал бұл жолы жи­нал­ғандардың қарасы одан да асып кетті,  орын табыл­ма­ған­дары сарайдың кіреберісінде тұрды. Форумға жиналған ардагерлер, жаулығы ағараңда­ған әжелер,  орта жастағылар, жастар кәдімгі мерекеге келгендей көтеріңкі көңіл күйдің еркіне ілескен. Өйткені, Қа­зақ­стан президенттігінен үміт­­кер Нұрсұлтан Назар­баевтың ең­бе­гі  оның кандидатурасын жақ­таушыларға бұрыннан да мәлім. Олардың әрқайсысы ел­дің жарқын болашағын Нұр­­сұл­тан Назарбаевпен бірге елес­тетеді.  Нұрсұлтан Әбіш­­ұлы­ның жақтаушылары өткі­зіп отырған форумға қатысу үшін Қостанайға «Қазақ­стан-2020» жалпыұлттық де­мо­­кра­тия­лық күштер коа­ли­ция­­сы­ның өкілдері келді.  Құ­рамын­да есімі елге кеңінен та­нымал тұлғалар бар деле­га­ция­ны  бас­тап келген президенттіктен үміткер Н.Назарбаев рес­пуб­ликалық қоғам­дық шта­бы­ның жетекшісі, «Нұр Отан» ХДП Төр­аға­сы­ның бірінші орын­басары  Нұрлан Нығма­ту­лин көп­шілік алдында сөз сөйледі. – Еліміз егемендік алған жиырма жыл ішінде  Қазақ­стан өзінің экономикалық және  әлеуметтік табыстары­мен, саяси жетістіктерімен әлемге танылды. Ол ең бас­тысы бейбіт өмірдің үлгісіне айналды. 90-шы жылдары  эко­номиканы күшті дағдарыс­қа ұшыратқан қиын кезеңде Нұрсұлтан Назарбаев ты­ғы­рықтан жол тауып шы­ғып қана қоймай, еліміз алға қа­рыш­тап дамыды. Осындай жеңістеріміздің барлығын пре­­­зиденттікке «Нұр Отан» ХДП-дан кандидат Н.Назар­баевтың атымен байла­ныс­ты­рамыз,  – деді  Нұрлан Зай­рол­лаұлы. Мұнан кейін сөз алған делегация мүшелері «Әділет» демократиялық партиясының төрағасы Мақсұт Нәрікбаев, «Ауыл» социал-демокра­тия­лық партиясының төрағасы Ғани Қалиев, Қазақстан Рес­публикасы Президенті жа­нын­дағы Рақымшылық ко­мис­сиясының төрайымы Зинаида Федотова, «Сауап» рес­пуб­ликалық қоғамдық қоры­ның президенті Бақытбек Смағұл, Олимпиада чем­пио­ны, боксшы  Ермахан Ыбы­райы­мов  сөз алды. Олар да жас мемлекеттегі  Н.Назар­баевтың басшы­лы­ғы­мен ат­қарылған орасан жұ­мыстарға тоқталды. Мұнан кейін қоста­най­лықтар кезегімен  мінберге көте­ріліп, Нұрсұлтан Назар­баевтың кандидатурасын жақ­тап сөз сөйледі. Форумға жиналған қос­та­найлықтар алдында Қазақстан Республикасының халық әр­ті­сі Роза Рымбаева, халық­ара­лық байқаулардың  лауреаты «Ұ­лы­­тау» тобы және жергілікті өнерпаздар өнер көр­сетті. Форумнан кейін «Қазақ­стан-2020»  жалпы­ұлттық де­мо­кратиялық күштер коали­циясы өкілдері «АгромашХолдинг» акционерлік қо­ғамы, «Большевичка» өндіріс­тік кооперативі ұжымдарында болды және Қостанай ауданы тұрғын­дарымен кездесу өт­кізді. Нәзира ЖӘРІМБЕТОВА, Қостанай.