Омбудсмен саласындағы қызметіміз оң бағаланды

Женева қаласында (Швейцария Конфедерациясы) Қазақстан Республикасындағы Адам құқықтары жөніндегі уәкіл (Омбудсмен) Асқар Шәкіров БҰҰ-ның Азаптауларға және қатыгез, адамгершілікке жатпайтын немесе ар-намысты қорлайтын қарым-қатынас және жазалаудың басқа да түрлеріне қарсы конвенциясына Факультативтік хаттама қабылдануының 10 жылдығына арналған конференцияға және бірқатар шараларға қатысты. Іс-шара барысында Факультативтік хаттамаға қатысушы мемлекеттер азаптауларды және қатыгез қарым-қатынасты алдын алу бойынша жаһандық бастамаларды, сондай-ақ, туындап жатқан сын-қатерлерге қатысты елдердің күш-жігерлерін шоғырландыру мәселелерін талқылады. Қазақстанның Омбудсмені әріп­тес­теріне Қазақстандағы азаптауларды бол­дырмау саласында қол жеткізілген же­тіс­тіктер туралы хабарлады. 2014 жыл­дан бастап біздің елімізде әрекет ететін «Омбудсмен+» пішіміндегі Ұлттық алдын алу (ҰАТ) тетігі таңдалған моделінің тиім­ділігін көрсетті, ол пәндік, негізді және өзекті ұсыныстар әзірлеуге, меке­ме­лердің әкімшілігімен, жергілікті, сон­дай-ақ, орталық мемлекеттік орган­дармен жемісті өзара әрекеттесуге мүм­кіндік береді және тиісінше жабық ме­ке­ме­лер­дегі жағдайды жақсартуға әсерін ти­гі­зуде. ҰАТ-тың 2,5 жыл жұмыс істеуі ке­зін­де оған қатысушылар 1262 монитори­нг өткізді, ҰАТ-тың мандатына 3000-нан астам ішкі істер органдарының, қор­ға­ныс, денсаулық сақтау, білім беру, ұлт­тық қауіпсіздік мекемелері мен ұйымдары кіреді. Халықаралық сарапшылар Қазақ­стан­ның өз халықаралық міндет­те­ме­лерін им­плементтеуіне оң баға берді, осыған бай­ланысты ҰАТ-тың азаптауларды бол­дырмаудағы ерекше рөлі және оның жал­пы мүмкіндіктері атап өтілді. Құқық қорғау құрылымдарының өкіл­дері қазақстандық ҰАТ тәжірибесі пост­кеңестік кеңістікте тәжірибе алмасу үшін үлгі ретінде қарастырылуы мүмкін деп санайды. Азаптауларға және қатыгез, адам­гер­ші­лікке жатпайтын немесе ар-на­мыс­ты қорлайтын қарым-қатынастар мен жа­залаудың басқа да түрлеріне қар­сы конвенцияға Факультативтік хат­тамаға сәйкес, азаптауларды болдырмау бағы­тын­да ұдайы үнқатысып отыру, яғни өза­ра әрекеттесу маңызды. Конференцияның жұмысына, сон­дай-ақ, Қазақстан Республикасының Бі­рік­кен Ұлттар Ұйымы Бөлімшесі мен Женева қаласындағы (Швейцария) бас­қа да халықаралық ұйымдар жанын­да­ғы Тұрақты өкілі Ж.Айтжанова қа­тысты, деп хабарлады Қазақстан Рес­пуб­ли­ка­сын­дағы Адам құқықтары жөніндегі уә­кіл­ аппаратының баспасөз қызметі.