Төраға жаңа қызметі бойынша түсінік берді

Кеше Сенаттың кезекті жалпы отырысында палата Төрағасы Қасым-Жомарт Тоқаев барша қазақстандықтарды Ұлыстың Ұлы күні – Наурыз мерекесімен құттықтай отырып, аталған мерекенің тәуел­сіздіктің арқасында жаңа сипатқа ие болғандығын ерекше атап өтті. Күн тәртібіне сәйкес депутаттар «1992 жылғы 23-25 қарашада Копенгагенде қабылданған Озон қаба­тын бұзатын заттар жөніндегі Монреаль хаттамасына Түзетуді жә­не 1997 жыл­ғы 15-17 қыр­кү­йек­­те Мон­реаль­да қабылданған Озон қабатын бұза­тын заттар жө­ніндегі Монреаль хат­та­масына Түзетуді ратификациялау ту­­ралы» заң жобасын талқы­ла­ды. Аты айтып тұрғандай, заңдық құ­жат­ты қабылдау еліміз кәсіп­орын­дарына қар­жылық және техни­калық кө­мек алуға, балама және неғұрлым қауіпсіз техно­логияларға көшу кезінде шы­ғын­дарды азайтуға мүм­кіндік береді. Сенаторлар Қор­ша­ған орта­ны қорғау министрі Нұр­ғали Әшімов таныс­тыр­ған заң жо­ба­сын бірауыз­дан қабылдады. Жалпы отырыс барысында сон­дай-ақ «Қазақстан Республи­касы­ның кейбір заңнам­алық актілеріне рұқсат беру жүйесін жетілдіру мә­се­­лелері бойынша өзгеріс­тер мен толықтырулар енгізу ту­ралы» заң жо­басы қаралды. Атал­ған заң жо­ба­сы 5 кодекс пен 52 заңға өзгеріс­тер мен толық­тыру­лар енгізуді көз­дей­ді. Бұдан басқа Сенат «Лицензиялау туралы», «Этил спирті және алкоголь өнімі­нің өндірілуі және ай­­налымын мем­лекеттік реттеу ту­ралы», «Тұр­ғын үй құрылысына үлес­тік қатысу туралы», «Жануарлар дү­ниесін қорғау, өсімін молайту жә­не пайдалану туралы» және «Қа­зақстан Республикасындағы сәу­лет, қала құрылысы және құры­лыс қыз­меті туралы» заңдарға тиісті өзге­ріс­тер енгізуді ұсынды. Талқылау нәтижесі бойынша заң жобасы Сенат енгізген өзгерістер және то­лық­тыруларымен Парламент Мә­жі­лі­сіне жіберілді. Отырыс соңынан БҰҰ Бас хат­­­шысының орынбасары әрі атал­ған Ұйымның Женевадағы ор­та­лы­ғы­ның директоры болып таға­йын­дал­ған Қасым-Жомарт То­қаев осы жү­йе­дегі жоғары лауа­зы­мына қа­тыс­ты бұқаралық ақпарат құрал­дары өкіл­деріне түсінік бер­ді. Бұл лауа­зым­ға білікті дип­ломатты Елбасы Н.Назарбаев өзінің БҰҰ Бас хат­шысымен ке­ліссөз бары­сын­да ұсын­ған-ды. Егер Мемлекет бас­шы­сының мұн­­дай беделі бол­ма­ғанда, тиісті шешім қабыл­дан­бас та еді, деген ойын білдірген Се­нат Төр­ағасы бұл, сонымен қа­тар, Қазақ­стан­ның халықара­лық аре­на­дағы бе­делінің өсіп отыр­ған­ды­ғын ай­ғақ­­тайтынын айт­ты. Сон­дай-ақ, Ел­басы­ның 2010 жылы өткен Ядро­лық қару­сыздану және таратпау жө­ніндегі жаһандық саммитке қаты­суы, маңызды да тар­тым­ды ойлар­ды ортаға салуы Қа­зақ­стан­ның бұл саладағы айтар­лық­­тай жетістіктерін паш етті. Қа­сым-Жомарт То­қаев осы­н­ың бар­лы­ғы оның БҰҰ жүйе­сін­дегі жоғары лауазымға тағайын­да­луы­­на себепші болғандығын баса айтып өтті. Асқар ТҰРАПБАЙҰЛЫ.