Бүгін Оңтүстік Қазақстан облысының әкімі Жансейіт Түймебаев төтенше жағдай болған үйге барып қайтты, - деп хабарлайды ОҚО әкімінің баспасөз қызметі.
"Әр отбасыға 226 мың теңге көлемінде көмек көрсетілетін болады. Сондай-ақ, басқа да қаржылай көмек көрсетіледі. 6506 әскери бөліміндегілер бүгін өтетін жерлеу рәсімін өткізеді. Ал зардап шеккен басқа тұрғындарға қызметтік тұрғын үй берілді. Төтенше жағдайдың себебін анықтау үшін арнайы комиссия құрылды", - деді облыс әкімі.
Алдын ала нұсқа бойынша, үйдің құлауына газ құралдарын орнатқан кездегі қателіктер себеп болған.
Айта кетейік, құлаған үй енді қалпына келтірілмейтін болды.
