Аурухана орталық жылу жүйесіне қосылды

Семейдегі жедел жәрдем ауруханасы 2013 жылы пайдалануға берілген. Әлеуметтік нысан орталықтандырылған жылу жүйесіне биыл ғана қосылды. Әу баста осы аурухананы ашқан кезде электр қуаты арқылы жылумен қамтылуы тиіс деген жоба бекітіліп кетіпті. Бірақ бұл тиімсіз болды, бар болғаны екі-үш жыл ішінде жылу ақысы миллиондап өсіп, мемлекет қазынасына орасан зор шығын әкелген. Нақты айтсақ, аурухана бұған дейін жылуға айына шамамен 37-40 млн теңге төлеп келіпті. 2015 жылы облыс басшысы Даниал Ахметов аурухана ұжымы өтініш жасағаннан кейін, бірден осы жағдайды тікелей назарына алып, жылуды орталықтандырылған жүйеге қосу қажеттігін және сол үшін бұрын болмаған жылу құбырларын тартуды ұсынды. Облыс басшысының тапсырмасынан кейін қысқа мерзімде жо­балық-сметалық құжаттама дай­ындалып, аурухананы жақын маң­да­ғы «5-интернат» қазандығына қо­су жұмыстары басталды. Сөй­тіп, ұзындығы 2 700 метр жы­лу желісі тартылып, аурухана ор­та­лық­тандырылған жылу жүйе­сі­­не қосылды. Биылдан бастап жы­лу үшін жұмсалатын шығынның кө­лемі 5-6 есеге азаятын болып отыр. – Бұрындары ай сайын жылуға 40 млн теңгедей төлеп келдік. Енді биылдан бастап айына 6-7 млн теңге ғана төлейміз деген үмітіміз бар, – деді Жедел медициналық орталық директоры Қайноллан Мусин. – Бұрын барлық қаражатты жылуға беріп қойып, қарап отыратынбыз. Бұл өте тиімсіз болды. Енді үнемделген қаржы науқастарды емдеуге, аурулардың алдын алуға, ауруханаға жаңа технологиялар мен дәрілік препараттар алуға жұмсалатын болды. Ең алдымен, өз атымнан және ұжым атынан осы ушыққан мәселені басты назарына алып, дұрыс шешім жасаған облыс әкімі Даниал Ахметовке алғысымызды айтамыз. Аурухана 325 орынға арналған. Облыстағы ең ірі емдеу мекемесі қазіргі заманғы медицина талап­тарына сай жұмыс істеп тұр. Мұн­дағы гематологиялық бөлімде қа­зір 16 адам ем қабылдап жатыр. Орта­лық­тандырылған жылу жүйе­сі­не қосылғаннан бері аурухана іші бір­қалыпты жылы. – Дәрігерлердің қызмет көрсетуі кө­ңілімізден шығады, – дейді ем­делуші Тамара Борисовна, – палата­лар да жылынып қалды. Осында бір жыл бұрын жылуға көңілім толмаған еді. Ем қабылдап жатырмыз. Бәрі ұнайды. Қызмет сапасы да дұрыс. Раушан НҰҒМАНБЕКОВА СЕМЕЙ