Комбинат жұмысымен танысты

Алматыдай үлкен шаһарда «Ақсай нанын» жемейтін адам некен-саяқ болар. Өйткені, 200-ден астам нан-тоқаш түрін пісіретін комбинат өнімдерінің дәмін қазір алматылықтар ғана емес, Талдықорған, Астана, Қызылорда, Ақтау, Шымкент, Тараз қалаларының тұрғындары да татып отыр. Парламент Мәжілісі Төрағасының орынбасары, «Нұр Отан» партиясы фрак­циясының жетекшісі Гүлмира Исім­баева, Мәжіліс депутаттары – Серік Сейдуманов, Жә­мила Нұрманбетова, Серік Құ­сайынов, Гүлнар Бижанова, Ольга Шишигина Алматы қа­ла­сындағы аса қуатты және ірі кәсіпорынның бірінен саналатын «Ақсай нан» өнімдері комбинатының цехтарын аралап, жұмыс үдерісімен танысты. Кездесуде Мәжіліс депутат­тары алдымен мемлекеттік бағ­дарламалар туралы сөз қозғады. «Бұл бағытта 500 миллионнан аса шаруашылық нысандары өз күштерін біріктіре алады. Бізге уақыт талабына сай жаңа инновациялық техно­логияға негізделген, ауыл шаруа­шы­лығының барлық өнім түрлерін өңдеп, пайдаға асыратын соңғы үл­гідегі агроөнеркәсіптік индустрияны дамыту қажет. Бұл жаңа бағдарлама, міне, дәл осы мақ­сатты көздейді», – деді Г.Исім­баева. «Ақсай нан» комбинаты қызмет­керлерінің қойған сау­ал­дарына жауап берілді. Сон­дай-ақ, депутаттар соңғы жыл­дары ел Парламентінде агро­өнер­кә­сіп саласын дамытуға бағыт­тал­ған бірқатар жаңа заңдар қабыл­данғанын атап айтты. Депутаттар, сондай-ақ, пәтер ие­лері кооперативтері мен тұрғын үй-ком­муналдық шаруа­шылық мәсе­лелеріне арнал­ған кеңей­тілген жиынға қаты­сып, әл-Фара­би атындағы Қазақ ұлт­тық уни­вер­сите­тінің про­фес­сорлық-оқыту­шылар құ­рамымен кездесті. Айнаш ЕСАЛИ, «Егемен Қазақстан» АЛМАТЫ