С дәрумені рак клеткаларын өлтіреді - АҚШ ғалымдары

АҚШ-тағы Айова университетінің ғалымдары адам ағзасына тамыр арқылы енгізілген С дәрумені рак клеткаларын өлтіретінін анықтады. Бұл туралы Redox Biology журналы жазды. Зерттеу жасаған ғалымдар рак клеткаларында сутегі пероксидіне қажетті каталаза ферменті аз екенін анықтаған. Ғалымдардың айтуынша, ол С дәрумені ағзаға тарағанда бөліне бастайды екен. Аталған зерттеу барысында каталаза жетіспеушілігінен рак клеткалары оны катализатор ретінде қолдана алмайтыны байқалған. Ал ағзаға С дәрумені енгізілгенде, пероксид молекулалары рак клеткаларын өлтіретіні анықталған. Бұл жағдайда көрші клеткаларға зақым келмейді. Ғалымдардың айтуынша, С дәруменінің таблеткаларын қолдану пайда бермейді. Себебі асқазан арқылы қан айналымына ол аз мөлшерде түседі екен. Бұған дейін зерттеу тышқандарға жүргізілген. Қазір америкалық клиникалардың бірінде ерікті адамдарға осы әдіс қолданылуда. Алдын ала нәтижелер бойынша, химиотепартия мен С дәруменін беру науқастардың жағдайын жақсартқан. Аталған көрсеткіш қанша уақытқа созылатыны туралы қорытынды енді шығады.