Қаллеки театрының камералық оркестрі қазақ композиторларының әндерін орындады
Қазақтың мемлекеттік академиялық Қ.Қуанышбаев атындағы музыкалық драма театры камералық оркестрінің репертуарында халықтық шығармалармен қатар қазақ композиторларының да туындылары көптеп саналады. Олардың ішінде А.Цагарелидің «Гамарджоба!», И.Штраустың «Жұбайлар жұмбағы», Е.Жуасбектің «Үйлену» музыкалық комедиялары мен В.Ежовтың «Тыраулап ұшқан тырналар» лирикалық драмасында орындалатын шығармалардың жөні бөлек. Театрдың камералық оркестрі құрамында 22 адам бар. Көркемдік жетекшісі – М.Мырзақұлова. Бас дирижері – халықаралық байқаулардың лауреаты Ерлан Бейсембаев.
Музыкалық кеште қалықтаған, халқымыздың тарихынан сыр шертетін әсем әуендер көрермен қауымды ерекше әсерге бөледі.
Қай кезеңді алып қарасаңыз да, қазақтың басынан кешкен қиындықтары аз болмаған. Солардың бірі – ХХ ғасырдағы ашаршылық пен жұттың зардабы болатын... «Асыра сілтеу болмасын, аша тұяқ қалмасын!» – деген ұранмен Голощекиндердің жүргізген саясаты жергілікті халықтың көзін жаппай қырып-жойып, қазақтың азат рухын жаншу еді... Осындай нәубетте адами қалыпты жоғалтпау, болашақ ұрпақ үшін жанын пида ету кез келгеннің қолынан келе бермес ұлы ерліктер саналғаны рас. Бұл ретте музыкалық кеште орындалған Композиторлар одағының төрайымы Балнұр Қыдырбектің «Ашаршылық» атты композициясына толқымаған жан некен-саяқ. Кеш шығарма авторларының қатысуымен жан баурады. Л.Жұманова «Танымал қазақ әуендерінен құралған музыкалық шығарманы», Г.Сетеков «Скерцо» сынды ырғағы мен әуені еркін алмасып отыратын музыкалық туындыны көтеріңкі рәуіште жеткізді. Композициялық шарада театр әртістері, мемлекеттік «Дарын» жастар сыйлығының иегері С.Қашқабаев, О.Жақыпбек, Ж.Ерболат өнер көрсетті. Театр және кино актері Шах-Мұрат Ордабаев кешті өте әсерлі жүргізгені үшін ризашылыққа кенелді. Концерттік бағдарламада мұнан басқа С.Әбдінұровтың «Ордабасы», Х.Әбілжановтың «Алау», Г.Секеевтің «Элегия», Абайдың «Көзімнің қарасы», А.Тоқсанбаевтың «Бұраң бел» туындылары мен Құрманғазының «Балбырауын» күйі бар.
Қарашаш ТОҚСАНБАЙ,
«Егемен Қазақстан»
Қаллеки театрының камералық оркестрі қазақ композиторларының әндерін орындады
Қазақтың мемлекеттік академиялық Қ.Қуанышбаев атындағы музыкалық драма театры камералық оркестрінің репертуарында халықтық шығармалармен қатар қазақ композиторларының да туындылары көптеп саналады. Олардың ішінде А.Цагарелидің «Гамарджоба!», И.Штраустың «Жұбайлар жұмбағы», Е.Жуасбектің «Үйлену» музыкалық комедиялары мен В.Ежовтың «Тыраулап ұшқан тырналар» лирикалық драмасында орындалатын шығармалардың жөні бөлек. Театрдың камералық оркестрі құрамында 22 адам бар. Көркемдік жетекшісі – М.Мырзақұлова. Бас дирижері – халықаралық байқаулардың лауреаты Ерлан Бейсембаев.
Музыкалық кеште қалықтаған, халқымыздың тарихынан сыр шертетін әсем әуендер көрермен қауымды ерекше әсерге бөледі.
Қай кезеңді алып қарасаңыз да, қазақтың басынан кешкен қиындықтары аз болмаған. Солардың бірі – ХХ ғасырдағы ашаршылық пен жұттың зардабы болатын... «Асыра сілтеу болмасын, аша тұяқ қалмасын!» – деген ұранмен Голощекиндердің жүргізген саясаты жергілікті халықтың көзін жаппай қырып-жойып, қазақтың азат рухын жаншу еді... Осындай нәубетте адами қалыпты жоғалтпау, болашақ ұрпақ үшін жанын пида ету кез келгеннің қолынан келе бермес ұлы ерліктер саналғаны рас. Бұл ретте музыкалық кеште орындалған Композиторлар одағының төрайымы Балнұр Қыдырбектің «Ашаршылық» атты композициясына толқымаған жан некен-саяқ. Кеш шығарма авторларының қатысуымен жан баурады. Л.Жұманова «Танымал қазақ әуендерінен құралған музыкалық шығарманы», Г.Сетеков «Скерцо» сынды ырғағы мен әуені еркін алмасып отыратын музыкалық туындыны көтеріңкі рәуіште жеткізді. Композициялық шарада театр әртістері, мемлекеттік «Дарын» жастар сыйлығының иегері С.Қашқабаев, О.Жақыпбек, Ж.Ерболат өнер көрсетті. Театр және кино актері Шах-Мұрат Ордабаев кешті өте әсерлі жүргізгені үшін ризашылыққа кенелді. Концерттік бағдарламада мұнан басқа С.Әбдінұровтың «Ордабасы», Х.Әбілжановтың «Алау», Г.Секеевтің «Элегия», Абайдың «Көзімнің қарасы», А.Тоқсанбаевтың «Бұраң бел» туындылары мен Құрманғазының «Балбырауын» күйі бар.
Қарашаш ТОҚСАНБАЙ,
«Егемен Қазақстан»
Соңғы жаңалықтар
«Жастар» Сарайының жарты ғасырлық мерейтойы тойланды
Елорда • Кеше
«Egemen Qazaqstan» газетінің тілшісі «Дарын» сыйлығын иеленді
Мәдениет • Кеше
Алматы • Кеше
Президент Мәжіліс төрағасын қабылдады
Президент • Кеше
