Қызылорда облысында 570 сотталушы рақымшылыққа ілігіп отыр. Бұл туралы облыстық прокуратураныңбаспасөз қызметі хабарлады.
"2016 жылы 14 желтоқсанда күшіне енген ҚР Тәуелсіздігінің 25 жылдығына байланысты «Рақымшылық туралы» Заңы 6 айға дейін қолданылады. Рақымшылық қолдануға жататын 574 сотталғанның қазіргі уақытта сотпен 10-ы босатылды. Сонымен қатар, рақымшылық заңы аясында 234 қылмыстық құқықбұзушылықтар бойынша сотқа дейіңгі тергеп-тексеру өндірістен қысқартылды. Олардың 118-і онша ауыр емес, 32-і ауырлығы орташа қылмыстарды, 84-і қылмыстық теріс қылықтарды құраған", - делінген xабарламада.
Облыс прокуратурасының баспасөз қызметінің мәлім еткеніндей, ведомство өңірде түрме реформалары жобаларын жүзеге асыруға баса назар аударды. Түзеу мекемелерінде 12 өндіріс орындары, сонымен қатар, кірпіш өндіру зауыты ашылды. ЗК-169/5 мемлекеттік мекемесінде (қауіпсіздігі барынша жоғары мекеме) «Ержас» ЖШС-мен шағын қыш шығару цехы ашылып, 16 сотталған жұмыспен қамтылған. Сондай-ақ, 40 сотталғанды жұмыспен қамту жоспарланған осындай өндіріс орнын «Жалғасов» ЖК-мен іске қосылу сатысында, 40 сотталушыны жұмыспен қамту жоспарлануда. Жұмыспен қамту 75,2% құрады. Жеңіл жазаға ауыстыру туралы қаралған 300 өтініштің 244 қанағаттандырылып, 81,3% құрады.
"Сотталғандардың өтелмеген жазаларын айыппұлға ауыстыруды кеңінен қолдану қамтамасыз етілді. Нәтижесінде, сотпен 92 сотталғанның өтелмеген жазалары айыппұлға ауыстырылып, 24 500 110 теңге құрады. Пробациялық бақылауда тұрған сотты болғандарға әлеуметтік-құқықтық көрсету бойынша жұмыстар жүргізіліп, 360-ы жұмысқа орналастырылып, квота бойынша жұмыс орнын 31-ден 50-ге көбейтуге қол жеткізілді", - деп жазады ведомствоның баспасөз қызметі. Үйлестіру шараларымен облыс орталығында жаза өтеу орындарынан босатылғандарға арналған оңалту және әлеуметтік бейімдеу Орталығы ашылып, барлығы 134 адамға әлеуметтік көмектер көмектер көрсетіліп, оның ішінде 39-ы тұрақты жұмысқа орналастырылды.