Джейкобс: Ұлым екеуіміз Головкиннің жанкүйеріміз

Орта салмақта WBA (Regular) белбеуінің иесі Дэнниэл Джейкобс өзінің қарсыласы Геннадий Головкиннің талантына тәнті екенін мәлімдеді. Бұл туралы sports.kz хабарлады. «Ұлым – GGG-дің жанкүйері. Сондықтан мен де оның жанкүйерімін. Ал екеуіміздің бір салмақта шаршы алаңға шығуымыз оның жекпе-жектерін көрмеймін дегенді білдірмейді. Оның мансабындағы барлық айқастарын жақсы білемін. Ол қазірдің өзінде-ақ аты аңызға айналған жандардың бірі. Оның кездесулерін көріп отырып, желігіп кеткенімді білмей қаламын. Көпшілікке оның нокауттары ұнайды. Мен де солардың қатарынанмын. Алайда, 18 наурызда бәрі басқаша өрбиді», – деді Джейкобс.