«Ордабасы» футбол командасына жаңа президент тағайындалды

Шымкенттің «Ордабасы» футбол клубына жаңа президент болып, бас жаттықтырушы Бақтияр Байсейітов тағайындалды. Бұл туралы vesti.kz хабарлады. «Сыбыстарға кейде сену де керек шығар. Маған жаңа лауазымда қызмет етуді ұсынды. Енді екі бірдей міндетті қатар алып жүремін», – деді Байсейітов. Бұған дейін ол сыбыстардың бәрін жоққа шығарып, тек бапкерлікпен айналысатынын мәлімдеген. Қазіргі уақытта шымкенттіктер оқу-жаттығу жиынын Түркияда өткізіп жатыр. Байсейітов шәкірттері қорытынды матчта Бельгия чемпионатының үшінші лигасында ойнайтын «Беерсхоту» командасына 0:1 есебімен есе жіберген. Ал 3 ақпан күні Болгарияның «София» ұжымымен жолдастық кездесу өткізеді. Айта кетейік, «Ордабасы» өткен маусымда чемпионатты 4-орында аяқтаған.