Қайрат Сарыбай ЕҚЫҰ комитетіне төраға болып тағайындалды

Қазақстан ЕҚЫҰ Экономика-экологиялық комитетіне төрағалық етеді. Бұл туралы ҚР Сыртқы істер министрлігінің баспасөз қызметі хабарлайды. 12 қаңтар күні Еуразиядағы қауіпсіздік және ынтымақтастық ұйымы (ЕҚЫҰ) Тұрақты кеңесінің отырысында Австрияның сыртқы істер министрі Себастьян Курц ЕҚЫҰ төрағалығын қабылдап, Ұйымды дамыту туралы жалпы көзқарасын білдірді. Австриялық төрағалық ЕҚЫҰ үшін Қазақстанның тұрақты өкілі, ҚР-ның Австриядағы елшісі Қайрат Сарыбайды 2017 жылы ЕҚЫҰ Экономикалық-экологиялық комитеттің басшысы ретінде тағайындады. Бұл Қазақстан Республикасының Президенті Нұрсұлтан Назарбаевтың  экономикалық қарым-қатынас, түрлі интеграциялық бірлестіктер арасындағы ынтымақтастықты дамыту, жасыл экономика мен экология, транспорттық қауіпсіздік пен транзит мәселелері туралы идеяларын Ұйым аясында алға тартуға мүмкіндік береді. Аталмыш комитеттегі Қазақстанның төрағалығы  2017 жылдың 14-16 маусым аралығында Астанадағы «ЭКСПО-2017» алаңында ЕҚЫҰ экономикалық-экологиялық форумын жоғары деңгейде өткізуге мүмкіндік береді.