Универсиада нысандары террорлық қауіпсіздік бойынша ерекше бақылауда болады

ҚР Ішкі істер министрлігі Универсиада нысандарын террорлық қауіпсіздік бойынша ерекше бақылауда ұстайды. Бұл туралы бүгін Үкімет отырысында ведомства басшысы Қалмұханбет Қасымов мәлімдеді. "Универсиаданың тоғыз нысанын террорлық және экстремистік қатерден сақтау үшін ерекше бақылауда ұстаймыз. Нысандарда радиоактивті және химиялық заттардың бар-жоғы тексеріліп, өрт қауіпсіздігі ережелері сақталады. Арнайы тексеретін құрылғылар күні-түні істейді. 96 өткізу және 27 рентгендік құрылғы қойылды. Екі мыңнан астам камерасы бар бақылау жүйесі орнатылды", - деді министр. "Атлетикалық ауылда қауіпсіздікті қамтамасыз ету үшін құқық қорғау қызметкерлерімен қатар өзге де тиісті орган жұмысы ұйымдастырылды", - деді Қасымов. Сонымен қатар алдын ала сынақ жұмыстары ұйымдастырылып, қызметкерлерді орналастыру тәртібі бекітілді. Осы мақсатта, министрдің айтуынша, 7,5 қызметкер жұмыс істейді. Оның 4700-і полиция қызметкерлері болса, 1 мың әскери қызметкер, 1400 қорғаныс министрлігі қызметкері мен 150 кинолог жұмыс істейді.