Қалыңдығы қылыштың қырындай жұқа болса да, балалардың таным-түсінігін арттыруға таптырмайтын бір дүние қолымызға түсті. Жуырда «Ана тілім – алтын қазынам» жобасының аясында жеткіншектерге арналған танымдық жеті кітапша жарыққа шықты.
Жұқа болса да, жүгі жеңіл демес едік. Ортақ бір қаптамаға салынған жеті кітапшада жеті түрлі тақырыпқа қатысты сан қилы атаулар топтастырылған. Сөздік қоры шетелдік «мультиктер» арқылы «байып» жатқан балдырғандарға ұлттық таным-түсінігімізге қатысты түрлі атаулар ұсынылып, әрбір атауға қазақ, орыс және ағылшын тілдерінде қысқа-нұсқа анықтама берілген. Әр атау тілге жеңіл тақпақтармен, жаңылтпаш, жұмбақтар арқылы суреттеліп, түрлі-түсті әсем фотосуреттермен безендіріліпті.
«Қазына» баспасының балдырғандарға ұсынған қазынасына топтастырылған кітапшалар «Жануарлар», «Құстар», «Балықтар», «Жәндіктер», «Ағаштар», «Туыстар», «Менің денем» деп аталады. Әрқайсысында балалар түгілі, ересектердің өзі біле бермейтін деректер жетерлік.
Мәселен, өзіміз түлкіні білсек те, оның төлі жаутаң екенін, аналығы жәутік деп аталатынын осы кітапшаны парақтап отырып білдік.
Елікке қатысты мәлімет:
Қалқиған қос құлақты,
Теңбіл түрі көрікті.
Мекен жері бұлақты,
Білемісің... (Елікті), – деген шағын тақпақ әрі жұмбақпен берілген.
«Туыстар» деген кітапшадан ең қажетті деген қырыққа тарта туыстық атауларды түгендеп шықтық. Еліміздің түкпір-түкпірінде өсетін ағаштардың түр-түрі тағы бір кітапшаға топтастырылған.
Ерекше берік болады,
Еменнен болса босағаң.
Елімізде бар емес –
Бір мың жылдай жасаған, – деген қарапайым төрт жолда да тәрбиелік мән жатқандай.
Сөрелерде балаларға арналған кітаптар болғанымен, көбісіне көңіл толмайды. Орыс немесе ағылшын тілінен аударылған тақпақтар, ертегілер. Соңғы жылдары осы олқылықтың орнын толтыруға қадам жасалып, балғын оқырмандардың танымын кеңейтетін, талғамын арттыратын дүниелердің көбейіп келе жатқаны көңіл қуантады. «Қазынаның» балаларға арналған базарлығы да осындай пайдалы дүние болады деп үміттенеміз.
Арнұр АСҚАР,
«Егемен Қазақстан»
Қалыңдығы қылыштың қырындай жұқа болса да, балалардың таным-түсінігін арттыруға таптырмайтын бір дүние қолымызға түсті. Жуырда «Ана тілім – алтын қазынам» жобасының аясында жеткіншектерге арналған танымдық жеті кітапша жарыққа шықты.
Жұқа болса да, жүгі жеңіл демес едік. Ортақ бір қаптамаға салынған жеті кітапшада жеті түрлі тақырыпқа қатысты сан қилы атаулар топтастырылған. Сөздік қоры шетелдік «мультиктер» арқылы «байып» жатқан балдырғандарға ұлттық таным-түсінігімізге қатысты түрлі атаулар ұсынылып, әрбір атауға қазақ, орыс және ағылшын тілдерінде қысқа-нұсқа анықтама берілген. Әр атау тілге жеңіл тақпақтармен, жаңылтпаш, жұмбақтар арқылы суреттеліп, түрлі-түсті әсем фотосуреттермен безендіріліпті.
«Қазына» баспасының балдырғандарға ұсынған қазынасына топтастырылған кітапшалар «Жануарлар», «Құстар», «Балықтар», «Жәндіктер», «Ағаштар», «Туыстар», «Менің денем» деп аталады. Әрқайсысында балалар түгілі, ересектердің өзі біле бермейтін деректер жетерлік.
Мәселен, өзіміз түлкіні білсек те, оның төлі жаутаң екенін, аналығы жәутік деп аталатынын осы кітапшаны парақтап отырып білдік.
Елікке қатысты мәлімет:
Қалқиған қос құлақты,
Теңбіл түрі көрікті.
Мекен жері бұлақты,
Білемісің... (Елікті), – деген шағын тақпақ әрі жұмбақпен берілген.
«Туыстар» деген кітапшадан ең қажетті деген қырыққа тарта туыстық атауларды түгендеп шықтық. Еліміздің түкпір-түкпірінде өсетін ағаштардың түр-түрі тағы бір кітапшаға топтастырылған.
Ерекше берік болады,
Еменнен болса босағаң.
Елімізде бар емес –
Бір мың жылдай жасаған, – деген қарапайым төрт жолда да тәрбиелік мән жатқандай.
Сөрелерде балаларға арналған кітаптар болғанымен, көбісіне көңіл толмайды. Орыс немесе ағылшын тілінен аударылған тақпақтар, ертегілер. Соңғы жылдары осы олқылықтың орнын толтыруға қадам жасалып, балғын оқырмандардың танымын кеңейтетін, талғамын арттыратын дүниелердің көбейіп келе жатқаны көңіл қуантады. «Қазынаның» балаларға арналған базарлығы да осындай пайдалы дүние болады деп үміттенеміз.
Арнұр АСҚАР,
«Егемен Қазақстан»
Соңғы жаңалықтар
Күн күрт суып, қар ұшқындайды: Қазгидромет ауа райы бұзылатынын ескертті
Ауа райы • Бүгін, 00:40
Әдебиет • Кеше
Елорда әуежайының ақылы тұрағы қымбаттай ма
Оқиға • Кеше
Мәдениет • Кеше
