Универсиадаға арналды

 С.Торайғыров атындағы Пав­ло­дар облыстық кітапхана­сын­да санаулы күндерден кейін Алматыда жалауын желбі­рететін Дүниежүзілік қысқы Уни­версиа­даға байланысты арнайы кітап көрмесі ұйым­дастырылды. Көрме Алатау баурайындағы аламан аяқтал­ғанша жалғасады. Кітапхананың кітап қорын сақтау бөлімінің басшысы Мари­на Гончарованың айтуынша, көрмеге Универсиада бағдар­ламасына енген қысқы спорттың 12 түріне арналған 200-ден астам кітап қойылған. Сондай-ақ, қазақ спорты жайлы қалам тербеген Несіп Жүнісбайұлы, Рысбек Қыдырбек, Анатөлі Құлназаров, Темірхан Досмұхамбетов секілді авторлардың кітаптары көпшілік назарына ұсынылды. Мұнда қазақ спортының тарихымен, жетістіктерімен танысуға болады. – Көрмені 2017 жылдың бас­ты спорт­­тық бәсекелерінің бірі – қыс­қы Универсиадаға орай ар­на­йы ұйым­дастырдық. Бәл­кім, бұл көр­ме оны тамашалай келген оқу­шы­лар мен сту­дент­­­тер­дің қыс­қы спорт түр­­лері­не деген қызы­ғу­­шы­лы­­ғын арт­ты­ратын шығар. Бас­ты­сы, олар Уни­вер­сиада, қазақ спорты жайлы мол мағлұ­мат ала ала­ды. Біз­дің мақсат – өз жері­міз­де өте­тін жаһан­дық жарыс­тың на­си­хат­­­­талуы­на үн­қосу, – дейді М.Гончарова. Көрменің ашылу салтанатына мектеп оқушылары мен студенттер, кітапхананың тұрақты оқырмандары қатысты. – Алматыда өтетін қысқы Уни­версиада Қазақстанды әлем­ге жаңа қы­рынан танытады. Сон­дық­­­­тан, ауқымды спорттық шара­ға ат­­са­лысу – баршаға ортақ мін­дет. Біз сту­дент­тер ойынын­да ел намыс­ын қор­ғайтын отан­дас­­тары­мыз­ға жан­күйер болып, қол­дау көр­сете­тін боламыз. Біздің спорт­шы­лар жо­ғары нәтижеге қол жет­кізе­ді деген сенімдеміз, – дейді Пав­ло­дар қала­сындағы №7 орта мек­тептің 9-сынып оқушысы Тоғжан Байдүйсен. Естеріңізге сала кетейік, Ал­матыдағы қысқы Универсиа­даға Павлодар облысынан 10 спорт­­шы қатысады. Олар спорт­тың үш түрі бойынша сынға түседі. Фархат ӘМІРЕНОВ  ПАВЛОДАР