Оқушыларды отаншылдыққа тәрбиелеу ұлттық құндылықтарымызға сүйене отырып қалыптасады десек, артық емес. Отансүйгіштік сезімге баулу тәрбиесі тереңнен тамырын тартқан. Ол – халқымыздың сан ғасырлық болмысының, дүниетаным-көзқарасының, ақыл-ойы мен салт-дәстүр мәдениетінің жарқын көрінісі. Осындай қасиеттерді бойға дарытпай тұрып, ұрпақты патриот етіп тәрбиелеу мүмкін емес. Туған елін, жерін қорғайтын және осы мақсат жолында бар күш-жігері мен ақыл-парасатын аямайтын жас ұландар тәрбиелеу бүгінгі күннің басты міндеті болып тұр. Патриоттық сезім көрсеткіші – оқушылардың іс-әрекетінен көрініп тұруы тиіс. Солай қалыптастыру – бізге парыз.
Осындай іс-әрекет барысында жас буын қоршаған орта құндылықтарының қалпын бұзбай сақтауға өз үлесін қосады. Бұл өз кезегінде патриоттық сана-сезімдерінің дамуына ықпал етері анық. Атап айтқанда, өз басының мүддесін ұлт ісімен, Отан, мемлекет, халық мүддесімен ұштастыра түседі. Білім беру мен ғылымды дамытудың 2016-2019 жылдарға арналған мемлекеттік бағдарламасының негізгі мақсаты да осыған жетелейді. «Мәңгілік Ел» талабына сай, ғылым мен техниканың, жалпы әлем өркениетінің жаңалығын еркін біліп, еркін игере, қолдана алатын Қазақстан жастары қоғамның шынайы тірегі болары хақ.
Мектеп оқушыларының бойына «Мәңгілік Ел» жалпыұлттық патриоттық идеясының рухани-адамгершілік құндылықтарын және саламатты өмір салтының мәдениетін қалыптастыруды көздейтін мектептердегі, мектептен тыс мекемелердегі тәрбие құралдарының бірі балалар ұйымдары мен бірлестіктері болуы керек. Отанын құрметтейтін жас ұрпақты қалыптастыру ісінде ол маңызды рөл атқарары сөзсіз. Қазір елімізде жаңашыл «Жас ұлан» мен «Жас Қыран» ұйымдары қалыптасу үстінде. Елбасымыздың Жолдауында айтылғандай, патриотизм, мораль мен парсаттылық нормалары, ұлтаралық келісім мен толеранттылық секілді құндылықтарды оқу барысында оқушылардың бойларына сіңіруге мүмкіндік береді.
Қазіргі таңда Батыс Қазақстан облысында жаңашылдық пен әдістемелік идеяларды бір арнаға тоғыстырудың нәтижесінде балалар ұйымдары, отаншылдыққа тәрбиелейтін патриоттық клубтар мен жасақтар қарқынды дамып келеді. Оқушыларды отаншылдық сезімге баулу – тәжірибеміздің бірі, Елбасымыздың тапсырмасымен құрылған Қазақстанның жас азаматтарының басын біріктіретін «Жас Ұлан» балалар мен жасөспірімдер ұйымы өз жұмысының нәтижесін беріп үлгерді. «Жас Ұлан» – өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым. Ұйымның басты мақсаты да өскелең ұрпақтың бойында патриоттық, білім арқылы өзін-өзі жетілдіруге деген құштарлық, беріктік, Отан тарихына, Қазақстанның бүгіні мен болашағына деген жауапкершілікті қалыптастыру.
Оқушылардың Отанға деген ерекше құрметін қалыптастыратын көптеген тәрбиелік іс-шаралардың басын біріктіретін балалар ұйымдары арқылы жүзеге асыру өз нәтижесін берері хақ. Өйткені, «Жас Ұлан» балалар мен жасөспірімдер ұйымы мүшелерінің басты ұстанымы – Қазақстанның мемлекеттік рәміздері – Туды және Елтаңба мен Әнұранды сыйлау мен құрметтеу, өз елінің патриоты болу, оқуда, қоғамдық жұмыстарда, еңбекте үлгі көрсетіп алда жүру, мәдениетті болу, саламатты өмір салтын ұстану, оны өз құрдастары арасында насихаттау, үлкенге – құрмет, кішіге ізет көрсету. Міне, бойына осындай қасиеттерді жиған жас өрендеріміз өз Отанының патриоты болатынына сеніміміз мол.
Елбасымыз халыққа Жолдауында «Мәңгілік Ел» қазақ елінің басты ұлттық идеясы деп атап көрсеткені белгілі. Бұл үшін бірінші кезекте егемен еліміздің ертеңгі тұтқасын ұстайтын жас жеткіншектерді отаншылдық сезімге баулудың маңызы жоғары. Тек осындай жағдайда ғана білім беру мен тәрбие ісі толыққанды бола түсері анық. Түйіп айтқанда, қазіргі күні өз елін сүйетін нағыз отаншыл азамат тәрбиелеуден асқан биік те мерейлі міндет жоқ деп білеміз.
Жосабек ЕСЕНҒАЛИЕВ,
«Өркен» қосымша білім орталығының педагог-ұйымдастырушысы
Батыс Қазақстан облысы
Оқушыларды отаншылдыққа тәрбиелеу ұлттық құндылықтарымызға сүйене отырып қалыптасады десек, артық емес. Отансүйгіштік сезімге баулу тәрбиесі тереңнен тамырын тартқан. Ол – халқымыздың сан ғасырлық болмысының, дүниетаным-көзқарасының, ақыл-ойы мен салт-дәстүр мәдениетінің жарқын көрінісі. Осындай қасиеттерді бойға дарытпай тұрып, ұрпақты патриот етіп тәрбиелеу мүмкін емес. Туған елін, жерін қорғайтын және осы мақсат жолында бар күш-жігері мен ақыл-парасатын аямайтын жас ұландар тәрбиелеу бүгінгі күннің басты міндеті болып тұр. Патриоттық сезім көрсеткіші – оқушылардың іс-әрекетінен көрініп тұруы тиіс. Солай қалыптастыру – бізге парыз.
Осындай іс-әрекет барысында жас буын қоршаған орта құндылықтарының қалпын бұзбай сақтауға өз үлесін қосады. Бұл өз кезегінде патриоттық сана-сезімдерінің дамуына ықпал етері анық. Атап айтқанда, өз басының мүддесін ұлт ісімен, Отан, мемлекет, халық мүддесімен ұштастыра түседі. Білім беру мен ғылымды дамытудың 2016-2019 жылдарға арналған мемлекеттік бағдарламасының негізгі мақсаты да осыған жетелейді. «Мәңгілік Ел» талабына сай, ғылым мен техниканың, жалпы әлем өркениетінің жаңалығын еркін біліп, еркін игере, қолдана алатын Қазақстан жастары қоғамның шынайы тірегі болары хақ.
Мектеп оқушыларының бойына «Мәңгілік Ел» жалпыұлттық патриоттық идеясының рухани-адамгершілік құндылықтарын және саламатты өмір салтының мәдениетін қалыптастыруды көздейтін мектептердегі, мектептен тыс мекемелердегі тәрбие құралдарының бірі балалар ұйымдары мен бірлестіктері болуы керек. Отанын құрметтейтін жас ұрпақты қалыптастыру ісінде ол маңызды рөл атқарары сөзсіз. Қазір елімізде жаңашыл «Жас ұлан» мен «Жас Қыран» ұйымдары қалыптасу үстінде. Елбасымыздың Жолдауында айтылғандай, патриотизм, мораль мен парсаттылық нормалары, ұлтаралық келісім мен толеранттылық секілді құндылықтарды оқу барысында оқушылардың бойларына сіңіруге мүмкіндік береді.
Қазіргі таңда Батыс Қазақстан облысында жаңашылдық пен әдістемелік идеяларды бір арнаға тоғыстырудың нәтижесінде балалар ұйымдары, отаншылдыққа тәрбиелейтін патриоттық клубтар мен жасақтар қарқынды дамып келеді. Оқушыларды отаншылдық сезімге баулу – тәжірибеміздің бірі, Елбасымыздың тапсырмасымен құрылған Қазақстанның жас азаматтарының басын біріктіретін «Жас Ұлан» балалар мен жасөспірімдер ұйымы өз жұмысының нәтижесін беріп үлгерді. «Жас Ұлан» – өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым. Ұйымның басты мақсаты да өскелең ұрпақтың бойында патриоттық, білім арқылы өзін-өзі жетілдіруге деген құштарлық, беріктік, Отан тарихына, Қазақстанның бүгіні мен болашағына деген жауапкершілікті қалыптастыру.
Оқушылардың Отанға деген ерекше құрметін қалыптастыратын көптеген тәрбиелік іс-шаралардың басын біріктіретін балалар ұйымдары арқылы жүзеге асыру өз нәтижесін берері хақ. Өйткені, «Жас Ұлан» балалар мен жасөспірімдер ұйымы мүшелерінің басты ұстанымы – Қазақстанның мемлекеттік рәміздері – Туды және Елтаңба мен Әнұранды сыйлау мен құрметтеу, өз елінің патриоты болу, оқуда, қоғамдық жұмыстарда, еңбекте үлгі көрсетіп алда жүру, мәдениетті болу, саламатты өмір салтын ұстану, оны өз құрдастары арасында насихаттау, үлкенге – құрмет, кішіге ізет көрсету. Міне, бойына осындай қасиеттерді жиған жас өрендеріміз өз Отанының патриоты болатынына сеніміміз мол.
Елбасымыз халыққа Жолдауында «Мәңгілік Ел» қазақ елінің басты ұлттық идеясы деп атап көрсеткені белгілі. Бұл үшін бірінші кезекте егемен еліміздің ертеңгі тұтқасын ұстайтын жас жеткіншектерді отаншылдық сезімге баулудың маңызы жоғары. Тек осындай жағдайда ғана білім беру мен тәрбие ісі толыққанды бола түсері анық. Түйіп айтқанда, қазіргі күні өз елін сүйетін нағыз отаншыл азамат тәрбиелеуден асқан биік те мерейлі міндет жоқ деп білеміз.
Жосабек ЕСЕНҒАЛИЕВ,
«Өркен» қосымша білім орталығының педагог-ұйымдастырушысы
Батыс Қазақстан облысы
Соңғы жаңалықтар
Бурабайдағы Мультимедиалық интерактивті кешенге келушілер көп
Аймақтар • Бүгін, 01:26
Аяз, көктайғақ: 16 облыста дауылды ескерту жарияланды
Ауа райы • Бүгін, 00:16
2027 жылы Астанада бокстан әлем чемпионаты өтеді
Спорт • Кеше
Алматы облысының меншігіне 86 мың га жер қайтарылды
Аймақтар • Кеше
