«Самғау» ұлттық байқауының жүлдегерлері анықталды

«Халық маркасы» қазақ­стан­дық тауарлар мен қызмет­тердің сапасын бақылау жүйе­сі федерациясының ұйым­дас­тыруымен өткен байқауда эко­номика тақырыбына қалам тартып жүрген әріптесіміз, «Егемен Қа­зақ­­стан» республикалық газетінің тіл­шісі Арнұр Асқаров та жеңімпаз атанды. Жиында конкурстың құ­рыл­тай­шысы және ұйымдас­ты­рушысы «Ха­лық маркасы» қазақстандық тауар­лар мен қыз­меттердің сапасын ба­қылау жүйесі федерациясы» ЗТБ президенті Римма Тәжі­баева бай­қаудың отандық өндіру­шілер­дің беделін арттыру арқылы төл нары­ғымызды қалыптастыру және халық арасында отандық өнімді насихаттау үшін БАҚ өкілдерінің күшін біріктіруге арналғанын атап өтті. Оның айтуынша, байқауға 200-ге жуық журналист қа­тыс­қан. Олардың дені 18 бен 29 жас аралығындағы жас­тар болды. «Байқауда еліміз­дің жер-жерінен экономика тақы­рыбына қалам тартып жүрген жас журналистер бақ сынады. Пайыздық тұрғыдан алғанда, қазақ тілді ортаның, сондай-ақ блогерлер мен интернет жур­на­листерінің белсенділігі қатты байқалды. Соның ішін­де Астана мен Алматы қала­лары, Қарағанды және Оңтүс­тік Қазақстан облыстарынан көп­теген жұмыстар келіп түсті», деді ол. Сонымен бірге, ол биылғы наурыз айында байқау жеңім­паздарының Мәскеу қаласына барып, еліміздің өнімдерін наси­хаттауға арналған көрме­нің жұмыстарымен танысатынын атап өтті. «Мәскеуге же­ңімпаздардың арасынан 7 адам барады. Онда журналис­тер Қазақстанның павильонымен танысып қана қоймай, байқаудың басты жүлдесін табыс ету рәсіміне қатысады. Дастан КЕНЖАЛИН, «Егемен Қазақстан»