Қостанай облысы әкімінің жаңа орынбасары тағайындалды

Мырзалиев Мейіржан Иябайұлы облыс әкімінің орынбасары болып тағайындалды. Ол облыста инвестиция тарту, экспортты алғы жылжыту, индустрияландыру мен кәсіпкерлікті дамыту мәселелеріне жетекшілік ететін болады. Мейіржан Мырзалиев 1980 жылы туған, 2016 жылы АҚШ-тағы Сэнфорд  халықаралық мемлекеттік саясат   мектебінен магистр дәрежесін алған, Дьюк университетінде білім алған. ҚР Президенті жанындағы Мемлекеттік саясат ұлттық мектебінің түлегі. М.Ломоносов атындағы Москва университетін «Экономика және басқару» мамандығы бойынша үздік бітірген. Қазақ мемлекеттік заң университетін заңгер мамандығы бойынша тәмамдаған. Еңбек жолын 2003 жылы Алматы қаласының әкімшілігінде бастаған. 2008 жылы Премьер-Министрдің Канцеляриясында бас сараптаушыдан   бизнес-орта мен инновация секторының меңгерушісіне дейінгі қызметтерде болды. Содан кейін Премьер-Министрдің мемлекеттік реттеу секторында қызмет етті. 2015 жылы Вашингтонда Дүниежүзілік банктың (IFC) Қаржы корпорациясында ауыл шаруашылығы бизнесін дамыту командасы құрамында кәсіби стажировкадан өткен. Үйленген, екі қыз тәрбиелеп отыр. Қазақ, орыс, ағылшын тілдерінде еркін сөйлейді. Нәзира Жәрімбетова, «Егемен Қазақстан»