Қызылорда облысының әкімі Қырымбек Көшербаевтың төрағалығымен өткен агроөнеркәсіп кешенін дамыту және ауылшаруашылығы кооперациялары мәселелеріне арналған жиында өткен жылы атқарылған жұмыстар қорытындыланды.
Жиынды аша отырып, аймақ басшысы өткен жылы ауыл шаруашылығы саласын әртараптандыру бағытында ауқымды істер атқарылғандығын атап өтті. Күріштен кезекті рекордтық өнім жиналды, ауыл шаруашылығының өзге де салаларында өсім байқалады. Дегенмен, ауылшаруашылық өнеркәсібінің қарқынды дамуын қамтамасыз ету үшін алда көптеген ауқымды істерді атқару міндеті тұр.
Облыс әкімінің орынбасары Серік Қожаниязовтың айтуынша, 2016 жылы аграрлық секторды мемлекеттік қолдауға 9,1 млрд. теңге бөлініп, көрсеткіш 2015 жылмен салыстырғанда 11,1% артқан. 79,0 млрд. теңгенің өнімі өндірілген немесе өсім 2015 жылмен салыстырғанда 7,3%-ға ұлғайған. Ауыл шаруашылығының негізгі қорына салынған инвестиция көлемі 2016 жылы 3822,3 млн. теңгені құрап, былтырғы жылмен салыстырғанда 2,2 есеге артты.
2016 жылы облыс бойынша 133 ауыл шаруашылығы кооперативі құрылған: мал шаруашылығы саласында – 34, егіс саласында – 34, көпсалалы – 65. Құрылған кооперативтерге барлығы 746 фермерлік шаруашылық біріккен.
Сондай-ақ жиында ауыл шаруашылығы компанияларының басшылары сөз сөйледі. Олар нарықта сұранысқа ие өнімдер шығарудың ерекшеліктеріне тоқталып, көктемгі егіс науқанына дайындық жұмыстары туралы баяндады.
Соңғы жаңалықтар
Ақуызды зерттеген ғалымдар Нобель сыйлығын алды
Ғылым • Бүгін, 17:01
Үкімет ұлттың ұлы тұлғаларын қорлауға жол бермеуі тиіс - депутат
Қоғам • Бүгін, 16:42
Президент Корея Ұлттық Ассамблеясының Төрағасымен кездесті
Президент • Бүгін, 16:30
Жыл басынан бері білім саласында 287 қылмыс тіркелген
Оқиға • Бүгін, 16:27
Қаржы министрлігінің қызметкерлері пара алып жатқан жерінен ұсталды
ANTIKOR • Бүгін, 16:17
Қазақстанда жаңа кассациялық соттар құрылады
Қоғам • Бүгін, 16:01
