Есірткіге қарсы күрес екпін алды

Бүгінде бір елді ғана емес, әл­емді жайлаған есірткі мәселесі өршіп тұр. Оған қарсы күрес жүр­гізу үшін дүние жүзі мемлекеттері аянып қалып жатқан жоқ. Соның ішінде Қазақстан да ес­ірт­кіге қарсы күресте мемлекеттік саясат жүргізіп, наша­қор­лық­қа және есірткі бизнесіне қарсы күрестің бағдарламасын іске асы­руда. Ол бағдарламаны іске асы­ру­ға бюджеттен 38 млрд. тең­ге бө­лінді. Аз қаражат емес. Сон­дықтан осы кезге дейін де бұл кеселмен күреске ел болып білек түре кіріскеніміз белгілі. Нәтиже де жоқ емес. Дегенмен енді оның одан әрі өрісін кеңейтіп, жасты да, кәріні де жалмаған жұлын­құр­тын мүлде жұлып тастауға жан-жақ­ты жағдай жасаудың жа­ңа жо­лы қажеттігін уақыттың өзі алға тартты. Міне, соған орай кеше Қазақстанның Шанхай ынты­мақ­тас­тық ұйымына төрағалық ету шең­берінде есірткінің заңсыз ай­на­лымына қарсы күрес өкілет­тілігі берілген ШЫҰ мүше мем­лекеттердің құзыретті органдары бас­шыларының кеңесі болып өтті. Онда негізгі мәселе ретінде ес­ірткі бизнесіне бірігіп қарсы тұру, өзара ынтымақтастық жағ­дай­ында заңсыз есірткі айна­лы­мына қарсы күресте келісімді іс-қимыл жасасу жағдайы қаралды. Сондықтан бұл өзекті мәселені талқылауға Қазақстан жағынан Ішкі істер министрі С. Байма­ған­бетов, Қытай Халық Респуб­ли­ка­сының Қоғамдық қауіпсіздік министрінің орынбасары Чжан Синьфэн, Қырғыз Республи­ка­сы­ның есірткіні бақылау жөніндегі мемлекеттік қызметінің төрағасы Виталий Орозалиев, Ресей Фе­дерациясының есірткі айналы­мын бақылау жөніндегі феде­рал­дық қызметі директорының ор­ын­басары Олег Сафонов, Тәжік­стан Республикасы президен­ті­нің жанындағы есірткіні бақылау жөніндегі агенттік төрағасының бірінші орынбасары Вайсидин Азаматов, Өзбекстан Респуб­ли­ка­сы министрлер кабинетінің жа­нындағы есірткіні бақылау жө­­ніндегі ұлттық ақпараттық-са­рап­тама орталығының дирек­то­ры Рахматулла Мухамедов және ШЫҰ-ның Бас хатшысы, ШЫҰ терроризмге қарсы өңірлік құры­лымдық атқарушы комитетінің директоры, т.б. қатысты. Қазіргі таңда Ауғанстандағы жағдай, есірткі трафигінің ауқы­мы талдаудың бірлескен тетігін құруды, есірткі ахуалының өр­шуі­не жол бермеуді талап етеді. Сондықтан кеңес барысында ес­ірткіге қарсы ведомстволар бас­шы­лары сындарлы жағдайда ха­лық­аралық ынтымақтастықты да­мыту мәселелерін ортаға сал­ды. Сонымен қатар, олар ШЫҰ-ға мүше мемлекеттер арасында есірткі құралдары, психотроптық заттар мен олардың заңсыз ай­налымына қарсы күресте өз елдерінде ынтымақтастық туралы келісімді іске асыру нәтижелері жөнінде айтып өтті. Ал кеңестің басты мақсаты 2011-2016 жыл­дарға арналған ШЫҰ-ға мүше мемлекеттердің есірткіге қарсы стратегиясының және оны іске асыру бағдарламасы жобасын тал­қылау болды. Аталған стратегия ұйым ке­ңістігінде заңсыз есірткі айна­лы­мына қарсы іс-қимыл жасасу, на­шақорлықтың алдын алу, ес­ірткіге тәуелді адамдарды емдеу және оңалту жүйесін жетілдіру бойын­ша бағыттарды анықтай­ды. Осы есірткіге қарсы стратегия шеңбе­рінде ШЫҰ-ға мүше мемлекет­тер­дің бірлескен қуаты есірткінің заңсыз айналымына қарсы күрес­тің тиімді құралы болып табылады. Александр ТАСБОЛАТОВ.