2,5 миллион қазақстандық медициналық сақтандырусыз қалуы мүмкін

Сенаторлар өз бетінше жұ­мыс­­­­пен айналысушыларды дәрі­герлік сақтандыру тетік­­терінің болмауына алаң­даушылық біл­дірді. Сенатта Қазақстан Рес­пуб­ликасының міндетті меди­циналық сақтан­дыру жүйесіне әзір­лік және оны енгізу мәсе­ле­лері бойынша кездесу болды. Сенаттың Әлеуметтік-мәдени даму және ғылым ко­ми­тетінің баста­масы­мен өт­­кен шараға Парла­мент депутат­тары, Денсаулық сақ­тау министр­лігінің, Әлеуметтік меди­­циналық сақтандыру қоры­ның және «Азаматтарға арнал­ған үкімет» мем­лекет­тік корпорациясының өкілдері қа­тысты. Ал кездесуді Әлеу­мет­тік-мәдени даму және ғылым комитетінің төрағасы Бір­­ғаным Әйтімова ашып, жүр­­гізіп отырды. Сенатор мін­дет­ті медициналық сақ­тан­ды­ру­ды енгізу Прези­дент Н.Ә.Назар­баевтың бес инс­титут­тық реформасын іске асы­ру жөніндегі «100 нақты қадам» Ұлт жос­парындағы жеке бағыт (80-қадам) ретінде қарас­ты­рылғанын атап көрсетті. Бұл үлгінің негізгі ба­сым­дығы мемлекеттің, жұмыс берушілердің және азамат­тардың ынтымақты жауап­кершілігі қағидасы негізінде денсаулық сақтау жүйе­сінің қаржылық тұрақты­лығының сақталуын күшей­ту болып табылады. Қазіргі кезде бұл салаға қажетті құқықтық негіз қалып­тасты. Парламент «Мін­детті әлеуметтік меди­ци­на­лық сақтандыру туралы» Заңға, сондай-ақ бірқатар заң­на­малық актілерге тиісті түзе­тулерді қабылдады. Таяу уақыт­та заң шығару органына кей­бір заң­намалық актілерге ден­сау­лық сақтау және әлеуметтік-еңбек саласындағы мәселелер бойынша өзгерістер мен толық­тырулар енгізу туралы заң жобасы енгізіледі. Шараға қатысушылар ал­дында Әлеуметтік медици­налық сақтандыру қоры бас­қар­масының төрайымы Елена Бахмутова сөз алып, депу­тат­тарды қордың қызметі, оның ұйымдастыру құрылымы мен алдағы жылдарға даму жос­пары туралы хабардар етті. Е.Бахмутова атап өткен­дей, Қордың негізгі мақсаты ден­саулық сақтау ресурстарын тиімді пайдалану, тарифті бел­гілеу мен қызмет көрсету төлем­дері жөніндегі бірыңғай қадам­дар және саланың қаржылай тұрақтылығын күшейту болып табылады. Талқылауға қатысқан Сенат депутат­тары Ақан Бижанов, Серік Бектұрғанов, Әли Бек­таев, Нұрлан Қылышбаев, Сәрсен­бай Еңсегенов және Бекмырза Еламанов қазіргі өзекті мәсе­лелерді айта келіп, бірқатар сауалдар қойды және қаралып отырған тақы­рып бойынша өз ұсыныстарын ортаға салды. Жаңа үлгінің әлсіз жақтары мен қордың тұрақтылығын қолдаудың келешегі және оның активтерінің сақталуы жан-жақты сарапқа салынды. Сенаторлар ауылдық жерлерде тұратын 2,5 миллионға жуық өз бетінше жұмыспен айна­лысушы адамдарға дәрі­гер­лік сақтандыру тетіктері­нің бол­мауына байланысты алаң­даушылық білдірді. Сондай-ақ, сақтандыру жүйесіне барлық қатысушылардың өзара іс-қи­мылының әр қадамын нақ­ты белгілеу ұсынылды. Пікір­сайыс нәтижесінде міндетті әлеуметтік медициналық сақ­тандыру жүйесін тиімді ен­гізу­ге бағытталған ұсыныстар әзірленетін болды. Ләйла ЕДІЛҚЫЗЫ, «Егемен Қазақстан»