Биік бағаланды

Еуропа кеңесі парламенттік ас­сам­блеясы делегациясының мәлімде­месінде ПА делегациясы (ЕКПА) 2011 жылдың 3 сәуірінде болып өткен Қа­зақстан Респуб­ликасының кезектен тыс президенттік сайлауы жоғары деңгейде ұйымдасты­рылғанын қуана құттық­тай­­тыны айтыл­ған. Сайлауға жауапты лауазымды адамдар өз жұмыстарын тиімді ұйымдасты­рып, өздерінің кәсіби шеберліктерін көрсетті. Біз байқаған сайлау учаскелері сайлауды өз дең­гейінде өткізу үшін барлық жағдай жа­салғандығымен ерекшеленді. Жалпы, сайлау ауаны іскерлік жағдайын бай­қатты. Адамдардың сайлау учаскелеріне келуі жоғары деңгейде болды, бұл жұртшылықтың үдеріске сенімділігін көрсетті. Делегация БАҚ-тарда сайлауалды науқаны теңдестірілген жағдайда өт­кен­дігін айғақтайтын тәуелсіз байқау­шы­лардың ақпараттандырылуынан да айқын көрінді. Сайлау үдерістері жұрт­шылықтың аталған науқанға кең кө­лемде дайындалғандығын анық көрсе­тіп берді, делінген мәлімдемеде. Осы уақытта ЕКПА делегациясы теңдей емес сайлау жағдайына, кейбір саяси күштердің сайлауға бойкот жария­лау туралы шақыруларына алаңдау­шылық білдіріп, электорат үшін сайлау қысқарған тұрғыда өтті. Соған қарамас­тан, осы жай Қазақстанда күшті оппозиция құру қажеттігін атап көрсетті. Сондықтан ЕКПА Қазақстандағы саяси мәдениеттің одан әрі дамуына септесуге әркез дайын. Бұл өз кезегінде саяси тұғырнамалардың кең мүмкіндігін таң­дауға көмектеседі. Сонымен бірге, бұрынғы сайлаулармен салыстырғанда үдерістің өз деңгейінде өткенімен, шынайы демократия мәртебесін иелену үшін Қазақстанға әлі де болса кейбір нәрселерді жақсартқан артықтық етпейді. ЕКПА Қазақстандағы сайлауларды бұған дейін-ақ байқаған болатын. Соған орай сайлаудан сайлауға дейінгі ахуалдың жақсы жағына қарай өзгер­генін қанағат сезімімен атап көрсетеді. Делегация кез келген елдегі сайлауларда көрініс беретін кейбір кемшіліктерге қарамастан, бұл сайлаудың нәтижелері қазақстандық сайлаушылардың еркін шын мәнінде анық көрсететінін атап өтеді. * * * «Ақ жол» демократиялық партия­сы­ның төраға Әлихан Байменов қол қой­ған мәлімдемесінде Қазақстан Респуб­ликасының кезектен тыс президенттік сайлауы Н.Ә.Назар­­баев­тың айқын жеңісімен аяқталғаны ай­тылған. Біз Елбасын қоғамдық қолдаудың жоғары деңгейі Қазақстанның бәсеке­лес­тікке қабілеттігін арттыру жолында елді жұмылдырудың негізі болатынына сенімдіміз. Сайлау нәтижесі экономика­лық реформалар мен әлеуметтік-саяси модернизациялаудың келесі кезеңін жү­зеге асыруға бағытталған бағдарла­ма­ны қолдаудың кең көлемді әлеуметтік тірегі бар екенін көрсетті. Нұрсұлтан Әбішұлын жеңісімен құттықтай отырып, елді өркендету, халық ахуалын көтеру, мемлекеттілікті нығайту және Қазақстанның демокра­тия­лық дамуы бағытындағы қызметіне табыс тілейміз, делінген мәлімдемеде. * * * Президенттік сайлауда кандидат болып түскен Мэлс Елеусізов сайлау қорытындысына орай мәлімдеме жасады. Мені қолдап, маған дауыс берген азамат­тардың барлығына ризашы­лы­ғымды білдіремін. Сондай-ақ мен сайлау нау­қанында мен үшін тер төккен қолдау­шыларыма да ризамын, дейді өз мәлімдемесінде М.Елеусізов. Көптеген қазақстандықтардың ме­нің тұғырнамамды қолдауы менің алған ба­ғытымның дұрыс екенін көрсетеді. Мен алдағы уақытта да баяғысынша Қазақ­станның демократия жолымен дамып, мемлекеттілігіміздің нығайып, азаматтық қоғамның дамуы жолында тер төге бермекпін. Әрине, бұл ретте менің эко­логиялық қауіпсіздік мәселе­сін де назардан тыс қалдырмайтыным белгілі. Қазақстандағы президенттік сайлау­дың еркін әрі әділ және қолданыстағы заң талаптарына сай өткендігін мойын­дау керек. Мен Орталық сайлау комиссиясы жария еткен дауыс беру қорытындысы берілген дауыстардың шын мәніндегі нәтижесі болады деп үміттенемін. Қа­зақ­стан халқының басым бөлігі дамы­ған мемлекет пен демократиялық қоғам қалыптастырудағы жетістіктерді Нұр­сұлтан Назарбаевпен байланыстырады. Нақты әрі әділ бәсекелестік менің бү­гінгі мемлекетке тап осындай көшбас­шы қажет екендігіне көзімді жеткізді. Сондықтан да мен Нұрсұлтан На­зар­баевты сайлаудағы сенімді түрдегі жеңісімен құттықтаймын және оған Қазақстан халқына қызмет ету жолын­дағы еңбектеріне табыс тілеймін. * * * Президенттікке кандидат Ғ.Қа­сымов  кезектен тыс президенттік сай­лаудың қорытындылары бойын­ша мәлімдеме жасады. Өткен президенттік сайлау Қазақ­станды демократиялық және құқықтық мемлекет құру бағытына қарай ілгерілету жөнінде таңдаған біздің жолымыз­дың дұрыстығын тағы бір рет айқын­дады. Мен қазақстандықтардың едәуір бөлігінің біздің сайлауалды тұғырнама­мыз­ды кеңінен қолдайтынына және Қа­зақстанның барлық өңірінде жақтаста­рымыз бен пікірлестеріміздің саны ар­тып отырғанына көзім жетті. Сон­дық­тан да маған дауыс бергендерге, сон­дай-ақ сайлау науқаны барысында мені қолдап қажымас күш-жігер танытқан әріптес­теріме өзімнің ризашылығым мен алғысымды білдіремін, деген Ғ.Қасымов. Сайлау науқаны ашық, әділ әрі мейлінше демократиялық негізге құрылды. Біз өмірге шынайы көзқараспен қа­рап, алға көз жіберуіміз керек. Ал, өмірдің шындығына келсек, қазақстан­дықтардың басым бөлігі Нұрсұлтан Назарбаевтың Мемлекет басшысы бо­лып қалуына дауыс берді. Бұл айқын жеңіс бүкіл халықтың Тұңғыш Президентіміз жүргізіп отырған дана сая­сатына деген жоғары сенімін айғақтап берді. Жаңа сайланған Президентті жар­қын жеңі­сімен құттықтай отырып, Елбасына Қазақстанның алдағы өркендеу жолын­дағы еңбегіне жеміс тілеймін, делінген Ғ.Қасымов мәлімдемесінде.