Жыл көрсеткіштері жаман емес

Облыстың аудан-қала­ларынан келген өкілдер облыс әкімі Болат Бақауовтың есеп беру кездесуіне жиналды. Елбасы өз Жолдауында елі­­міздің екі жаңғырту кезе­ңі­нен өтіп, жаңа белеске шық­­қанын айтып, негізгі 5 ба­сым бағытты айқындап бер­ді. Осы бағыттарды жүзе­ге асы­ру – басты міндет. Был­тыр­­ғы жылды Павлодар өңі­рі табысты аяқтады. Об­­лыста түрлі салалар бойын­­ша оң динамика бар. Ал алда атқарылатын жұмыс­тар аз емес. Өткен жылдың кем­ші­ліктерін ескере отырып, бола­шақты анықтаймыз. Жұртшылықты толғандырған мәселелердің шешімін табуы­на сай жұмыс жасаймыз, деді Б.Бақауов. Облыс басшысы аудан орта­л­ықтарын аралап, ауыл­дарға жиі барады. Бірақ, шағын ауылдардың тірлігі әлі де ой­лағандай алға басып кете қойған жоқ. Жиын барысында сұрақ қойған тұрғындардың басым көпшілігі ішетін таза су мәселесін көтерді. Был­тыр ауылдардан 13 мыңға жуық тұрғын көшіп кетіпті. Мы­­салы, облыстағы 78 ауыл ор­та­лық­тандырылған су­мен қам­тамасыз етілсе, 81 ауыл кешенді блок модулі қон­дыр­ғыларынан тазар­тыл­ған суды қолданады, 225 ауыл – құбырлы шахталық құдықтардан, ұңғымалардан алынатын ауыз суды пайдалануда, 10 ауыл тасымалданатын сумен қамтамасыз етілуде. Тағы бір қолға алған жұмыс – былтыр ерте көктем­нен бастап ауылшаруашылық коо­перативтерін құру басталды. Облыста 42 ауылшаруашылық кооперативі тіркеліп үл­геріп­ті. Ал өңірде 41,5 мың га суар­малы жер пайда­ланылады. Елбасы Жолдауында аг­рар­­лық сектор жуық ара­да экономиканың жаңа драй­веріне айналуы керектігі ай­­тыл­ды. Былтырғы жылы об­лыста агроөнер­кәсіп ке­шені­н дамытуға 16,6 млрд теңге, рес­публика­­лық бюд­жеттен мал шаруашылығын дамытып, субсидия­лауға қосымша 2,6 млрд теңге бөлінді, деді Болат Бақауов. Сол арқылы өңірде 14 млрд теңгеге 40 инвестжоба жү­зеге асып, нәтижесінде 600 жұмыс орны ашылған. Облыс орталығында қар­жыландырудың барлық көздері есебінен 184,5 мың шаршы метр тұрғын үй пай­далануға берілді. Өңірлерді дамытудың 2020 жылға дейінгі бағдарламасы шеңберінде тұрғын үй құрылыс жинақ жүйесі бойынша 6,0 мың шар­шы метр тұрғын үй пай­да­лануға берілді. Тұрғын үй құрылысына салынған инвес­тиция көлемі 16,0 млрд теңгені құрады. 2016 жылы «Өңірлерді дамытудың 2020 жылға дейінгі» бағдарламасы бойынша 135 жас пәтер алса, «Серпін-2050» бағдарламасы бойынша облыстың оқу орын­дарында еліміздің оңтүстік өңірлерінен 393 жас білім алуда. Өткен жылы өңірге 430 млрд теңге инвестиция құйыл­­ды. Инвестфорум ба­ры­сында құны 317 млрд тең­­гені құрайтын 30-ға тарта келісімшартқа қол қойыл­ды, оған 500-дей кәсіпкер қатыс­ты. Жоғары оқу орын­дары ба­за­­сында ғылыми және инно­­вациялық әлеует­ті арт­тыру бағытында жұмыстар бел­сен­ді түрде жүргізілуде. Тағы бір бас ауыртар мәсе­ле – облыс орталығын­дағы «Павлодар» арнайы эконо­микалық аймағының жағ­дайы. Аймаққа 27 қатысушы тіркелгенімен, әзірге инвес­тицияларының көлемі 43 млрд теңге болатын 5 кәсіп­орын ғана жұмыс істейді. Өңірде шағын және орта кәсіпкерлік субъек­тілері­нің саны 44,0 мың бір­лікті құрайды. Өткен жылы «Биз­нестің жол кар­та­сы-2020» бағдар­ламасы бойынша барлық деңгейдегі бюджеттерден 3,8 млрд теңге бөлінді, оның ішінде индустриялық инф­ра­­құрылымды дамы­туға 1,1 млрд теңге қарас­ты­рыл­ған. Бағ­дарлама іске асы­рыла бас­тағаннан бері бар­лы­ғы 121,2 млрд теңгеге 1475 жоба мақұлданған. Өңірде өткен жылы 201 ша­қырым жолға жөн­деу жүр­гізілді. Биыл «ҚазАвтоЖол» ҰК» АҚ филиа­лына біз­дің өңір арқылы өтетін рес­пуб­ликалық маңызы бар жолдарды жөндеуге 75 млрд теңге бөлінді. Облыстық және аудандық маңызы бар жолдарды қайта құру мен жөндеу жұмыстарына 11 млрд теңге қарастырылды, деді Болат Бақауов. Өткен жылы желтоқ­санда «Орталық – Шығыс» рес­публикалық көлік дәлізінің бір бөлігі болып табылатын, қашықтығы 12,3 км болатын, Ертіс өзені арқылы өте­тін алып көпір пайдалануға берілді Былтыр 398,9 мың тонна картоп, 208,8 мың тонна көкөніс, 62,7 мың тонна бақша дақылдары, 112,9 мың тонна майлы дақылдар жиналды. Өткен жылы облыс диқандары шет елге 7,5 мың тонна бидай, 6 мың тоннадан астам ұн экспорттады. Ауыл шаруашылығының жал­пы өнім көлемі 2016 жыл­ғы қаңтар-желтоқсан ішін­де 171,1 млрд теңгені құра­ды. 2017 жылғы 1 қаңтарға об­лыста республика бойынша 1 сұрыпты ұнның, күн­бағыс майының, қара­құмықтың, кар­топ­тың, қызылшаның, сәбіз­дің, орамжапырақтың ең төмен бағалары тіркелді. Облыс ор­талығында 259 «әлеу­мет­тік» дүкен жұмыс істейді. Азық-түлік қауіпсіздігін қам­тамасыз ету және бағала­рды тұрақтандыру мақсатында былтыр 634 ауылшаруашылық жәрмеңкесі өткізілді, 1630,6 млн теңгеге өнім сатылды. Астықты сақтау және өң­деу мақсатында 10 астық қабылдау пункті және 290,0 мың тонна сыйымдылығы­мен 115 көкөніс сақтау қой­ма­сы жұмыс істейді. «Сыба­ға», «Алтын Асық», «Құ­лан» бағдарламалары бо­йын­ша 4150 бас ірі қара, 3728 бас қой, 1259 бас жылқы са­тып алуға кредит берілді. Ет­тің экспорттық әлеуетін да­мыту шеңберінде 1354 тон­на ет өнімі экспортталды. 2016 жылдың қорытындысы бо­йынша салада 13,8 млрд теңгенің 40 инвестициялық жобасы іске асырылды, 590 жұмыс орны құрылды. Әкімнің есепті кездесуінен кейін облыс тұрғын­дарының жақсы өмір сүруі үшін Елбасы Жолдауында айтылған мақсат-міндеттердің ойдағыдай орындала беретініне сенім артқымыз келеді. Фарида БЫҚАЙ, «Егемен Қазақстан» Павлодар облысы