Бейбіт күнді бағалай білуіміз керек

Еліміздегі тыныштық, түрлі этностар мен конфессия­лар ара­сында түсіністік пен келісім, елде жүргізіліп жат­қан бей­біт саясат үшін Алғыс айту күнінің белгіленгені қа­зақ­стан­дықтардың жаңа ғасырдағы жақсы үрдістерінің бі­рі. Күнделікті өмірде, ағын судай өтіп жатқан тірлікте ты­ныш­тықтың қадіріне ешкім назар аудара қоймайды, ал осындай нақты күн белгіленіп, еске салынғанда адамның ойланып, барды бағалай білуіне бір серпін болатыны сөзсіз. Біз Мә­жі­ліс­тің ең жас депутаты, Қазақстан халқы Ассамблеясы де­пу­таттық тобының мүшесі Наринэ МИКАЭЛЯНДЫ әң­гі­меге тартып, осы күннің өзі үшін қандай маңызы барын сұ­раған едік. – Менің отбасым Қазақстан­да 1955 жылдан бері тұрып ке­ле­ жатыр. Нағашы атам соғысқа қа­ты­сып, тұтқынға түскен екен. Же­ңіс­тен кейін оны 10 жылға сот­тап, Саха еліне жер аударады. Сол жақта үйленіп, кесілген мер­зімін толық өтеп шығады. Со­дан кейін туған жеріне бармай, Қазақстанда қоныс теуіпті. Оның қалған өмірі осында өт­ті. Анам осында өсті, әкем Ар­ме­ния­да туғанымен, менің шешеме үйленген соң қазақстандық бол­ды. Мен өзім Алматыда ту­ып, сонда өскен баламын. Өзім­ді жер­гілікті алматылықпын деп санаймын. Мектепті де, уни­­­верситетті де Алматыда бі­тір­дім. Мен Абай атындағы Қазақ ұлттық педагогикалық уни­верситетінің халықаралық құ­­қық факультетін 2005 жылы үз­дік бітірдім. Бірнеше жыл Ар­менияның Қазақстандағы елші­лі­гінің Алматыдағы кон­сулдық бө­­лімінде көмекші-ре­фе­рент қыз­метін атқардым. Одан кейін бір­неше компания­да заңгер болып істедім. Сол қызметтерде жүргенде армян мәдени-этностық орта­лы­­ғының жұмысына белсене қа­­тысып, жастар қанатының же­­текшісі болдым. Қазақстан хал­­қы Ассамблеясының жұмы­сы­на да белсене араластым. Ал 2016 жылдың наурызынан ҚХА тізімімен армян этностық орталығының өкілі ретінде депутат болып сайландым. – Наринэ Гамлетовна, Ал­ғыс айту күні сіз үшін нені біл­діреді? Осындай күнді бел­гі­леудің қаншалықты қа­жет­ті­л­ігі бар деп ойлайсыз? – Біз бір-бірімізге деген құрметімізді күнде айтып, тату көршілігі мен сенімді жолдастығы үшін бір-бірімізге күнде разы­лы­ғымызды білдіруіміз керек. Бірақ күнде қайталайтын болсақ, бұл асыл дүниемізді аяқасты етіп аламыз. Сондықтан бір күн­нің белгіленгені дұрыс деп са­наймын. Қазақстан халқы Ассамблеясының құрылған күні­не белгіленген осы күні бір-бірі­мізге алғысымызды айтып, та­тулық, үндестік, сенім мен құр­ме­ті үшін жанымыздағы барлық жан­дарға алғыс айтуымыз қа­жет. Әрине, ең алдымен осындай ахуалды қалыптастырған Елба­сы­мыздың саясатына алғысымыз шексіз болуы тиіс. Бейбіт күнді бағалай білуіміз керек. – Әңгімеңізге рахмет. Әңгімелескен Жақсыбай САМРАТ, «Егемен Қазақстан»