Ислам Бозбаев «Grand Slam» турнирінің алтын жүлдегері атанды

Қазақстандық дзюдошы Ислам Бозбаев Бакуде өтіп жатқан «Grand Slam» турнирінде алтын жүлдеге ие болды. Жартылай финалда қазақстандық дзюдошы әзербайжандық Турал Сафгулиевтен айласын асырды. Ал ақтық сында тағы бір әзербайжандық Маммадали Мехдиевпен кездесіп, вазари әдісімен екі ұпай алдыға шықты. Осылайша, Ислам Бозбаев «Grand Slam» турнирінің тарихында алтын медальға қол жеткізген төртінші қазақстандық дзюдошы болып отыр.