Абель Санчес: Головкин Джейкобсты нокаутпен жеңеді

Орта салмақта WBA (Super), IBO, WBC және IBF белбеулерінің иегері Геннадий Головкиннің (36-0, 33 КО) бапкері Абель Санчес шәкіртінің келесі қарсыласы WBA (Regular) белбеуінің иегері Дэниел Джейкобсты (32-1, 29 КО) мерзімінен бұрын жеңетініне сенімді. «Дэннидің лайықты түрде қарсылық көрсетеді деп сенемін. Бірақ айқастың екінші бөлігінде, шамамен жетінші және тоғызыншы раундтардың арасында Геннадийдің басымдығы сезіліп, Джейкобстың өкілдері айқасты тоқтатуға мәжбүр болады. Немесе ол жойқын соққылардан есінен тануы мүмкін», – деп жазады BoxingScene.com басылымы. Айта кетейік, қос боксшының арасындағы айқас осы сенбіде Madison Square Garden аренасында өтеді. Елімізде бұл жекпе-жекті «Қазақстан» және «KazSport» телеарналары жексенбі күні 08:00-де тікелей эфирде көрсетеді. Ал HBO арнасы АҚШ-та ақылы жүйе бойынша таратады. Осы кештің андеркартында шығатын боксшылар туралы мына жерден білуге болады.