Жылу маусымы аяқталды. Нәтиже қандай?

Астанада өткен жылғы қа­зан айында басталған 2010-2011 жылдарға арналған жылу беру маусымы аяқталды. Күзгі-қысқы маусымның қорытын­ды­сы бойынша кеше Астана әкім­дігінде елорда әкімі Иман­ғали Тасмағамбетовтің төраға­лы­ғымен өткен жиналыста жы­лу беру маусымына дай­ын­дық және оны өткізу жөніндегі қалалық штабтың жетекшісі, әкімнің орынбасары Василий Крыловтың және қаланың бір­қатар басқармалары мен ком­муналдық кәсіпорындары же­тек­шілерінің есебі тыңдалды. Штабтың мәліметтеріне сәй­кес, 2010-2011 жылғы жылу беру маусымының басына тұрғын үй­лер жүз пайызға дайын болса, 1836 тұрғын үйдің 63-іне ескертулер жасалған дайындық паспорты табыс етілген. Сондай-ақ жылу беру маусымы басталған соң 52 жаңа көп қабатты тұрғын үй кешені пайдалануға берілген. Есепті кезеңде «051 қызме­тіне» орталықтанған және орта­лықтанбаған жылу беру жүйесіне қосылған үйлерде тұратын ха­лық­тан негізінен пәтерде жылу болмау, жылу берудің төмен параметрлеріне қатысты 863 өтініш пен шағымдар келіп түскен. Олар бойынша тиісті шаралар қабыл­да­нып, 2009-2010 жылдарғы жылу беру маусымында бұл көрсеткіш 738 болған-тын. Білім, мәдениет, денсаулық сақтау нысандарының 2010-2011 жылдардағы жылу беру маусымына дайындығы аса жоғары деңгейде болған. Осы кезеңде мемлекеттік санитарлық-эпидемиологиялық қадағалау департаменті білім басқармасымен бірлесіп 2007-2009 жылдарда пай­далануға берілген жалпы білім беретін мектептердегі санитарлық нормалар мен температуралық режімге сәйкестігін тексеріп, мониторинг жүргізген. Елорданың орталықтанбаған жылу беру жүйесі аймағында 529 қазаны бар 306 автономды қазан­дық жылу таратса, оның ішінде 239 (400 қазан) сұйық отынмен және 67 (129 қазан) қатты отынмен жұмыс жасайды. Жылумен қам­ту­дың тәуелсіз кестесіне сай жұмыс істейтін көп қабатты тұрғын үй кешендерінің 251-ден 303-ке кө­беюіне байланысты 2010 жылғы 16 сәуірден бастап «Астана Жы­лу­транзит» АҚ базасында ПИК төрағалары мен қызмет көрсе­те­тін өзге де мекемелер үшін жылу беруді басқарудың автоматты жү­йесі мен есептеу құралдарын пайдалану бойынша арнайы курстар ұйымдастырылып, ол жерде 121 маман даярланған. Жеке тұрғын үй секторын сумен қамту үшін 593 су колонкасы ор­натылып, 411 колонка ауыс­ты­рыл­ған. Кәріз коллекторларының жұ­мы­сын жақсарту мен олардың өт­кізу мүмкіндіктерін қайта қал­пына келтіру мақсатында ай сай­ын ма­гис­тралды коллекторларға гидроди­на­микалық тазартылу жа­салып от­ыр­са, осы жылу беру маусымында 154 шақырым коллектор тазартылған. Қазіргі таңда қаланың барлық коммуналдық қызметтері мен эн­ергетикалық кешен кәсіп­орын­да­ры 2011-2012 жылдардағы жылу беру маусымына дайындық шең­бе­рінде жөндеу бағдарламаларын бекітіп, оны жүзеге асыруды бастады. Әбдірахман ҚЫДЫРБЕК.